واپڈاہاﺅس میں پاکستان کے 79 واں یوم آزادی کی تقریب‘چیئرمین واپڈا نے پرچم لہرایا

ہمیں ملک کی ترقی اور خوشحالی کیلئے مثبت سوچ کے ساتھ بھرپور کوشش کرنا ہوگی.جنرل(ر)محمد سعید کا تقریب کے شرکاءسے خطاب

میاں محمد ندیم جمعہ 14 اگست 2026 18:11

واپڈاہاﺅس میں پاکستان کے 79 واں یوم آزادی کی تقریب‘چیئرمین واپڈا نے ..

لاہور(اردوپوائنٹ اخبارتازہ ترین-انٹرنیشنل پریس ایجنسی۔14 اگست ۔2026 ) واپڈا میں پاکستان کا 79 واں یوم آزادی قومی جوش و جذبہ کے ساتھ منایا گیا مرکزی تقریب واپڈا ہاﺅس لاہور میں منعقد ہوئی چیئرمین واپڈا لیفٹیننٹ جنرل محمد سعید (ریٹائرڈ) تقریب کے مہمان خصوصی تھے، جنہوں نے واپڈا آڈیٹوریم میں پرچم کشائی کی. ممبر فنانس نوید اصغر چوہدری، ممبر پاور محمد عرفان میانہ، واپڈا کے سینئر آفیسرز، ملازمین اور ان کے اہل خانہ بھی تقریب میں شریک تھے تقریب وطن سے محبت اور یکجہتی کا مظہر تھی پرچم کشائی کے بعد واپڈا گرلز ہائی سکول بروتھہ کی طالبات نے ملی نغمے پیش کئے ان طالبات اور اساتذہ کو واپڈا ہاﺅس لاہور میں منعقد ہونے والی جشن آزادی کی تقریب میں خصوصی طور پر مدعو کیا گیا تھا.

(جاری ہے)

تقریب سے خطاب کرتے ہوئے چیئرمین واپڈا نے شرکاءکو یوم آزادی کی مبارکباد پیش کی انہوں نے واپڈا گرلز ہائی سکول بروتھہ کی طالبات اور اساتذہ کی تعریف کی اور کہا کہ ملی نغموں کی بدولت شرکاءمیں وطن سے محبت کا جذبہ ایک بار بھر ابھارنے پر طالبات لائق تحسین ہیں چیئرمین نے نوجوانوں کو نصیحت کی کہ وہ آگے بڑھنے کیلئے مثبت رویہ کو پروان چڑھائیں.

انہوں نے کہا کہ آزادی کے 79 برس میں پاکستان نے جو کامیابیاں حاصل کی ہیں، ان پر ہمیں فخر کرنا چاہیئے، ہمیں ملک کی ترقی اور خوشحالی کیلئے مثبت سوچ کے ساتھ بھرپور کوشش کرنا ہوگی تقریب کے اختتام پر چیئرمین واپڈا نے طالبات میں سرٹیفکیٹ بھی تقسیم کئے پرچم کشائی کی تقریب کے ساتھ ساتھ جشن آزادی کی مناسبت سے واپڈا ہاﺅس کو سبز روشنی اور قومی پرچموں سے بھی آراستہ کیا گیا ہے.