Live Updates

ایس آئی ایف سی کی سہولت کاری سے پاک سعودی سرمایہ کاری اوراقتصادی تعاون میں اہم پیشرفت

جمعرات 27 اگست 2026 21:06

اسلام آباد(اُردو پوائنٹ اخبارتازہ ترین - آن لائن۔ 27 اگست2026ء) ایس آئی ایف سی کی سہولت کاری سے پاک سعودی سرمایہ کاری اور اقتصادی تعاون میں اہم پیشرفت ہوئی ہے اورسعودی-پاکستان جوائنٹ بزنس کونسل' کے چیئرمین شہزادہ منصور بن محمد آل سعود کی قیادت میں اعلی سطحی سعودی کاروباری وفد کے دورہ پاکستان میںایس آئی ایف سی نے سعودی وفد کے اعلی حکومتی حکام اور اہم کاروباری نمائندوں سے ملاقاتوں کیلئے مؤثر رابطہ کاری اور سہولت کاری فراہم کی۔

(جاری ہے)

ملاقاتوں میں توانائی، پٹرولیم، نجکاری، صنعت، مواصلات اور ہائی ویز سمیت ترجیحی شعبوں میں سرمایہ کاری کے مواقع زیرِ غورآئے۔ سعودی وفد نے سرکاری و نجی شعبے کے نمائندوں سے جی ٹو جی اور بی ٹو بی تعاون کے تحت سرمایہ کاری کے امکانات پر تبادلہ خیال کیا گیا۔ ملاقاتوں کے ذریعے پاک سعودی اقتصادی روابط کو عملی سرمایہ کاری، کاروباری شراکت داری اور مشترکہ منصوبوں میں تبدیل کرنے کی راہ ہموار ہوئی۔ایس آئی ایف سی نے سعودی سرمایہ کاروں کیلئے مسلسل سہولت کاری اور دوطرفہ اقتصادی تعاون کو مزید آگے بڑھانے کے عزم کا اعادہ کیا۔ایس آئی ایف سی کی مؤثر سہولت کاری سے پاکستان میں سرمایہ کاری، کاروباری روابط اور دوطرفہ اقتصادی تعاون کو فروغ مل رہا ہے۔