اگر سہیل آفریدی کو غیرآئینی طریقے سے ہٹایا گیا تو گورنرہاؤس کے سامنے قبائلی حجرہ سجے گا اور ڈیرے لگیں گے، عبدالغنی آفریدی

مینڈیٹ کیخلاف سازش پر قبائلی عوام خاموش نہیں بیٹھیں گے، ہمارا پُرامن احتجاج پوری دنیا کو پیغام دے گا، رکن خیبرپختونخواہ اسمبلی

ثنااللہ ناگرہ منگل 29 ستمبر 2026 22:50

اگر سہیل آفریدی کو غیرآئینی طریقے سے ہٹایا گیا تو گورنرہاؤس کے سامنے ..

پشاور (اردوپوائنٹ اخبار تازہ ترین۔ انٹرنیشنل پریس ایجنسی ۔ 29 ستمبر 2026ء ) رکن خیبرپختونخواہ اسمبلی عبدالغنی آفریدی خبردار کیا ہے کہ اگر وزیراعلیٰ سہیل آفریدی کو غیرآئینی طریقے سے ہٹایا گیا تو یہ قبائلی عوام کے مینڈیٹ پر حملہ سمجھا جائےگا، مینڈیٹ کیخلاف سازش پر ہم خاموش نہیں بیٹھیں گے۔ ایکس پر اپنے ٹویٹ میں انہوں نے کہا کہ اگر وزیراعلیٰ محمد سہیل آفریدی کو غیر آئینی یا غیر قانونی طریقے سے ہٹانے کی کوئی کوشش کی گئی تو یہ صرف ایک فرد کا معاملہ نہیں ہوگا، بلکہ خیبرپختونخوا کے عوام اور قبائل کے مینڈیٹ پر حملہ سمجھا جائے گا۔

عمران خان نے قبائل کو شناخت، عزت اور نمائندگی دی، اور ایک قبائلی نوجوان کو صوبے کا چیف ایگزیکٹو بننے کا موقع دیا۔ یہ قبائل کے لیے ایک تاریخی سنگِ میل ہے۔

(جاری ہے)

اگر اس مینڈیٹ کے خلاف کوئی سازش کی گئی تو قبائلی عوام خاموش نہیں بیٹھیں گے۔

اگر وزیراعلیٰ محمد سہیل آفریدی کو غیر آئینی یا غیر قانونی طریقے سے ہٹانے کی کوئی کوشش کی گئی تو یہ صرف ایک فرد کا معاملہ نہیں ہوگا، بلکہ خیبرپختونخوا کے عوام اور قبائل کے مینڈیٹ پر حملہ سمجھا جائے گا۔

عمران خان نے قبائل کو شناخت، عزت اور نمائندگی دی، اور ایک قبائلی نوجوان کو…
— Abdul Ghani Afridi (@Abdulghani1116) September 29, 2026

ہم اپنا آئینی اور جمہوری حق استعمال کرتے ہوئے بھرپور پُرامن احتجاج کریں گے۔

گورنر ہاؤس کے سامنے قبائلی حجرہ سجے گا، ڈیرے لگیں گے اور ہمارا پُرامن احتجاج پوری دنیا کو قبائل کا دوٹوک پیغام دے گا۔ ان شاء اللہ ہم ڈٹ کر کھڑے ہوں گے، اپنی آواز بلند کریں گے اور آئینی و جمہوری جدوجہد کے ذریعے اپنا حق منوا کر رہیں گے۔ اسی طرح وزیراعلیٰ خیبرپختونخواہ سہیل آفریدی نے نیوزکانفرنس کرتے ہوئے کہا کہ شوکت یوسفزئی کا خط میں نے نہیں پڑھا، نہ مجھے خط آیا ہے، اگر شوکت یوسفزئی کا مجھے خط آئے گا تو پھاڑ کر کوڑے دان میں پھینک دوں گا۔

وزیراعلیٰ خیبرپختونخواہ سہیل آفریدی نے کہا کہ یہ جو تین مسخرے ٹی وی پر بیٹھ کر بکواس کرتے ہیں، یہ ہمارے شہیدوں کی توہین کررہے ہیں۔

شوکت یوسفزئی کا خط مجھے آیا نہیں
مجھے آئے گا میں پھاڑ دوں گا
ڈسٹ بن میں پھینک دوں گا
4 اکتوبر برقرار ہے

وزیر اعلی سہیل آفریدی pic.twitter.com/HDqrMnCAUg
— Muhammad Faheem (@MeFaheem) September 29, 2026

ہمارے 80ہزار لوگوں کی توہین کررہے ہیں ،ہمارے پولیس اور فوجی جوان جو دہشتگردی کی جنگ میں شہید ہوئے ہیں ان کی شہادت کی توہین کررہے ہیں،ان کو کیا؟ انہوں نے تو کبھی گرم ہوا بھی نہیں دیکھی، یہ جہاں پر بیٹھتے ہیں وہاں تو گرم ہوا بھی نہیں لگتی، خون تو ہمارا بہہ رہا ہے، لوگ تو ہمارے زخمی ہورہے ہیں۔

یہ جو تین مسخرے ٹی وی پہ بیٹھ کر بکواس کرتے ہیں یہ ہماری شہیدوں کی توہین کرتے ہیں ! سہیل آفریدی 🔥 pic.twitter.com/ujLc6hC2Db
— AMJAD KHAN (@iAmjadKhann) September 29, 2026

سہیل آفریدی نے کہا کہ یہ کارٹون نیٹ ورک، یہ جوکرز، مسخرے، ٹی وی پر آپ لوگ بٹھا رہے ہیں یہ بہٹ غلط بات کررہے ہیں، یہ پوری پاکستانی قوم کو بتانے کی کوشش کررہے ہیں کہ آپ لوگ کیڑے مکوڑے ہو، ہمیں کوئی فرق نہیں پڑتا، چاہے کوئی مرے یا جیئے؟جی ڈی پی گروتھ جتنی بھی گرے، مہنگائی جتنی بھی بڑھے، بے رزگاری جتنی بھی بڑھے، ہمیں کوئی فرق نہیں پڑتا، ہم پھر بھی اس منصب پر ہوں گے، کیونکہ ہمارے پیچھے اسٹیبلشمنٹ ہے، یہ آپ کے بل بوتے پر بدمعاشی کررہے ہیں، غلط الزامات لگا رہے ہیں، خیبرپختونخواہ کی عوام میں شدید غصہ پایا جارہا ہے، یہ مسخرے اور کارٹون نیٹ ورک جو زبان استعمال کررہے ہیں یہ پاکستان کونقصان پہنچائے گی ،آپ ان کو لگام ڈالیں ،ان کا پٹا باندھیں رکھیں، یہ پٹا نہ کھولیں، کیونکہ ان کا اگر پٹا کھولیں گے تو پاکستانی عوام ان کو کچھ نہیں کہے گی لیکن جن کے بل بوتے پر اس طرح کے بیانات دے رہے ہیں، پھر ان کو پکڑے گی اور بہت خطرناک ہوگا۔

یہ کارٹون نیٹ ورک
یہ جوکرز
مسخرے
ٹی وی پر آپ لوگ بٹھا رہے ہیں یہ بہٹ غلط بات کررہے ہیں
یہ بتاتے ہیں ہمارے پیچھے سٹبلشمنٹ ہے
یہ آپ کے بل بوتے پر بدمعاشی کررہے ہیں
خیبر پختونخوا کی عوام میں شدید غصہ پایا جا رہا ہے
ان کو لگام ڈالیں
ان کا پٹا باندھے رکھیں
یہ پٹا نہ کھولیں
پاکستانی… pic.twitter.com/DM46fRx1bR
— Muhammad Faheem (@MeFaheem) September 29, 2026

وزیراعلیٰ خیبرپختونخواہ سہیل آفریدی نے کہا کہ اس پروگرام میں سب سے پہلے میں نے آتے ہی منسٹر صاحب سے پوچھا کہ اس پروگرام کا خرچہ سرکاری ہے یا آپ کا ہے تو انہیں خود بھی پتہ نہیں تھا، اگر سرکاری خرچہ ہوا تو میں برداشت نہیں کروں گا یہ منسٹر خود اپنی جیب سے دیں گے۔ جو لوگ حکومت میں عوامی مینڈیٹ کے ساتھ آتے ہیں ان کو عوام کی فکر ہوتی ہے وہ اپنے لئے11ارب کا جہاز نہیں خریدتے۔

وہ اپنے لئے 30، 30 کروڑ والی گاڑیا ں نہیں منگواتے،ان کے تمام اقدامات عوام کیلئے ہوتے ہیں۔ سہیل آفریدی نے کہا کہ 4 اکتوبر کو پاکستان کی تاریخ کا بڑا لانگ مارچ ہو گا ، کوئی بھی دھمکی، کوئی بھی زورزبردستی ، کوئی بھی بندوق ، کوئی بھی ڈنڈا،ہمیں اپنے مقصد سے ایک انچ بھی پیچھے نہیں ہٹا سکتا، یہ عہدے اور کرسیاں یہ ان کے لئے معنی رکھتے ہیں جن کا کوئی ذاتی مفاد ہو۔ انہوں نے کہا کہ ہر وہ پالیسی تبدیل ہوگی جو میرے پختونوں کی سر کی قیمت لگائے گی، ہر وہ پالیسی تبدیل ہوگی جس سے خیبرپختونخواہ لہولہان ہوگا، ہر وہ پالیسی تبدیل ہوگی جس میں پاکستان کی بھلائی نہیں ہوگی۔