Live Updates

تیل برآمد کرنے والے7بڑے ممالک کا نومبر میں تیل کی پیداوار کو مستحکم رکھنے پر اتفاق

اوپیک پلس کا ذیلی گروپ تیل کی مارکیٹ کی صورتِ حال کا جائزہ لینے کے لیے یکم نومبر کو دوبارہ اجلاس منعقد کرے گا.رپورٹ

میاں محمد ندیم پیر 5 اکتوبر 2026 14:52

تیل برآمد کرنے والے7بڑے ممالک کا نومبر میں تیل کی پیداوار کو مستحکم ..

جدہ(اردوپوائنٹ اخبارتازہ ترین-انٹرنیشنل پریس ایجنسی۔05 اکتوبر ۔2026 ) بڑے تیل برآمد کنندگان ممالک نے نومبر میں تیل کی پیداوار مستحکم رکھنے پر اتفاق کر لیا عالمی خبررساں ادارے کے مطابق 7 بڑے تیل برآمد کرنے والے ممالک نے نومبر میں تیل کی پیداوار کو مستحکم رکھنے پر اتفاق کیا ہے سعودی عرب، روس، عراق، کویت، قازقستان، الجیریا اور عمان پر مشتمل اوپیک پلس کا یہ ذیلی گروپ تیل کی مارکیٹ کی صورتِ حال کا جائزہ لینے کے لیے یکم نومبر کو دوبارہ اجلاس منعقد کرے گا.

(جاری ہے)

اس سے قبل جی سیون ممالک نے 100 ملین بیرل تیل و پیٹرولیم مصنوعات میں سے ڈیزل کا بڑا حصہ اگلے 20 روز میں ریلیز کرنے کا وعدہ کیا ہے جبکہ باقی حصہ اگلے 4 ماہ کے دوران فراہم کیا جائے گا دوسری جانب شپ ٹریکنگ فرم کپلر نے دعویٰ کیا ہے کہ ستمبر کے آخری ہفتے کے 7 دنوں میں سے 4 دن مشرقِ وسطیٰ سے خام تیل کی برآمدات جنگ سے پہلے کی سطح سے زیادہ رہیں. رائٹرز کے مطابق جہازوں کی نقل و حرکت پر نظر رکھنے والی کمپنی کپلر کے اعداد و شمار میں انکشاف کیا گیا ہے کہ 24 ستمبر اور 27 سے 29 ستمبر کے دوران خطے سے خام تیل کی برآمدات روزانہ 19.5 ملین سے 22.5 ملین بیرل تک پہنچ گئیں جبکہ ایران کے خلاف امریکی اور اسرائیلی جنگ شروع ہونے سے قبل ایک سال کے دوران اوسط برآمدات 18 ملین بیرل یومیہ تھیں.