ہم نے 2 مطالبات مذاکرات میں رکھے جس پر حکومت آنے کو تیار نہیں. سلمان اکرم راجہ

مذاکرات میں ڈیڈ لاک خیبر پختون خوا میں آپریشن سے متعلق آیا، کہا گیا 72 گھنٹے میں صوبے کے کچھ علاقوں میں ایمرجنسی لگائی جائے.تحریک انصاف کے سیکرٹری جنرل کا پریس کانفرنس سے خطاب

میاں محمد ندیم پیر 5 اکتوبر 2026 15:54

ہم نے 2 مطالبات مذاکرات میں رکھے جس پر حکومت آنے کو تیار نہیں. سلمان ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔05 اکتوبر ۔2026 ) پاکستان تحریک انصاف (پی ٹی آئی) کے سیکرٹری جنرل سلمان اکرم راجہ کا کہنا ہے کہ ہم نے 2 مطالبات مذاکرات میں رکھے جس پر حکومت آنے کو تیار نہیں اسلام آباد میں پریس کانفرنس کرتے ہوئے انہوں نے کہا ہے کہ مذاکرات میں ڈیڈ لاک خیبر پختون خوا میں آپریشن سے متعلق آیا، کہا گیا کہ 72 گھنٹے میں صوبے کے کچھ علاقوں میں ایمرجنسی لگائی جائے.

(جاری ہے)

سلمان اکرم راجہ کا کہنا ہے کہ سابق وزیراعظم عمران خان سے ملاقات اہم ترین معاملہ ہے، ان کو مکالمے میں شامل کیے بغیر کچھ نہیں ہو گا، ان کو شامل کیے بغیر کوئی بات حتمی نہیں ہو سکتی انہوں نے کہا کہ ضروری ہے کہ ملکی سیاست کو بہتر کرنے کے لیے ملاقات کرائی جائے، گزشتہ ملاقات کو ہم نے ابتدائیہ کے طور پر دیکھا ہے. پی ٹی آئی کے رہنما کا کہنا ہے کہ ہم کھلے دل کے ساتھ مذاکرات کے عمل میں شریک ہوئے، پی ٹی آئی چاہتی ہے کہ پاکستان میں امن وامان برقرار رکھا جائے، حکومت کے وزیر مذاکرات سے متعلق غیر اہم باتیں کر رہے ہیں.

سلمان اکرم راجہ نے کہا ہے کہ مذکرات کے 2 دور ہوئے جو بغیر نتیجہ ہی ختم ہوئے، ہمارے 2 بڑے مطالبات ہیں، پہلا عمران خان سے ملاقات کرائی جائے، پی ٹی آئی عمران خان سے مشاورت کے بغیر کوئی فیصلہ نہیں کرے گی.