کوئی ایسا معاہدہ نہیں کریں گے جو بے اصولی پر مبنی ہو‘ ہر مصیبت جھیلنے کو تیار ہیں. سلمان اکرم راجہ

اصولوں سے دستبرداری اختیار نہیں کریں گے‘عوام کا خون ہمارے لیے مقدم ہے.تحریک انصاف کے سیکرٹری جنرل کی گفتگو

میاں محمد ندیم جمعہ 9 اکتوبر 2026 17:10

کوئی ایسا معاہدہ نہیں کریں گے جو بے اصولی پر مبنی ہو‘ ہر مصیبت جھیلنے ..

لاہور(اردوپوائنٹ اخبارتازہ ترین-انٹرنیشنل پریس ایجنسی۔09 اکتوبر ۔2026 ) پاکستان تحریک انصاف کے سیکرٹری جنرل سلمان اکرم راجہ کا کہنا ہے کہ پنجاب لانگ مارچ میں بالکل شرکت کرے گا، بڑی تعداد میں قافلے شامل ہوں گے لاہور ہائی کورٹ میں صحافیوں سے گفتگو کرتے ہوئے کہا کہ کوئی ایسا معاہدہ نہیں کریں گے جو بے اصولی پر مبنی ہو، ہم نے بار بار کہا ہے کہ عوام کا خون ہمارے لیے مقدم ہے.

(جاری ہے)

انہوں نے کہا کہ ایسے لائحہ عمل کا حصہ نہیں بنیں گے جس سے بے گناہوں کا لہو بہے، بے گناہوں کو بے گھر نہیں ہوں گے دیں گے، ہر مصیبت جھیلنے کو تیار ہیں مگر اصولوں سے دستبرداری اختیار نہیں کریں گے سلمان اکرم راجہ نے کہا کہ پی ٹی آئی کا سیکرٹری جنرل ہوں میرے اوپر بہت ذمے داریاں ہیں، عمران خان اور بشریٰ بی بی کے کیسز کو بھی دیکھا رہا ہوں. انہوں نے کہا کہ کل پشاور میں متعدد کارکنوں کو اغواءکیا گیا اس کی مذمت کرتا ہوں، پورے ملک میں فسطائیت راج ہے ہم انہیں کہتے ہیں ہوش کے ناخن لیں.