گیس چوری کے سدباب اور وصولیوں کا بل سینٹ کی پٹرولیم کمیٹی سے منظور،گیس چوری کے مجرم کو دس لاکھ تک جرمانہ، میٹر ٹمپرنگ کے مجرم کو چھ ماہ کی سزا، انڈسٹریل چور کو دس سال اور گیس لائن کو توڑنے والے کو چودہ سال کی سزا دی جا سکے گی،گیس چوری سے سالانہ 14 ارب روپے کا نقصان ہو رہا ہے ،سیکرٹری پٹرولیم،جو بھی قدرتی ذخیرہ نکل آئے ریاست کی ملکیت ہے،خیبر پختونخوا حکومت کو کئی بار کرک کے علاقے میں گیس کے وسائل حل کرنے کیلئے خطوط لکھے گئے معاملہ 3 ارب سے بڑھ کر 9 ارب تک پہنچ چکا ہے،شاہدخاقان عباسی
اسلام آباد(اُردو پوائنٹ اخبار آن لائن۔29 اگست۔2014ء) سینیٹ کی قائمہ کمیٹی برائے پیٹرولیم و قدرتی وسائل نے گیس چوری کے سدباب اور وصولیوں کے بل 2014 ء کے مسودئہ کی منظوری دیدی ہے جس کے تحت گیس چوری کے مجرم کو دس لاکھ تک جرمانہ، میٹر ٹمپرنگ کے مجرم کو چھ ماہ کی سزا، انڈسٹریل چور کو دس سال اور گیس لائن کو توڑنے والے کو چودہ سال کی سزا دی جا سکے گی ۔
جمعرات کے روز سینیٹ کی قائمہ کمیٹی برائے پیٹرولیم و قدرتی وسائل کا اجلاس کمیٹی کے چیئرمین سینیٹر محمد یوسف کی زیر صدارت منعقد ہوا جس میں گیس چوری پر قابو پانے اور وصولی کے بل 2014 پر تفصیلی بحث کی گئی ۔اجلاس میں سینیٹر ز روزی خان کاکڑ، عبدالنبی بنگش ، تنویرالحق تھانوی اور حمزہ نے شرکت کی اس کے علاوہ وزارت کی سیکرٹری اور متعلقہ محکموں کے اعلیٰ حکام بھی اس اہم اجلاس میں موجود تھے ۔(جاری ہے)
بل کا بنیادی مقصد بقایاجات کی وصولی اور گیس چوری کو یقینی بنانا ہے پارلیمنٹ سے قانون کی باقاعدہ منظوری کے بعد وزارت اور گیس کمپنیوں کے ہاتھ مضبوط ہو جائیں گے وفاقی وزیز شاہد خاقان عباسی نے وضاحت کی کہ کسی بھی وزیراعظم کو کسی بھی علاقے میں مفت گیس دینے کا اختیار نہیں جس زمین سے کوئی بھی قدرتی ذخیرہ نکل آئے ریاست کی ملکیت ہے مالک زمین کو صرف رائلٹی دی جاتی ہے جو گیس اور تیل نکلنے کے بعد شروع ہوئی خیبر پختونخوا کی حکومت کو کئی بار کرک کے علاقے میں گیس کے وسائل حل کرنے کیلئے خطوط لکھے گئے معاملہ تین ارب سے بڑھ کر نو ارب تک پہنچ چکا ہے وفاقی حکومت نے آدھے اخرجات کی پیش کش کر دی ہے سینیٹر عبدالنبی بنگش نے کہا کہ گیس نکلنے والے علاقے کے پانچ کلو میٹر کے گرد نواح میں لوگوں کو گیس مفت فراہم کرنے کا قانون موجود ہے اور وزیراعظم نے بھی منظوری دی ہے جس پر سیکرٹری پیٹرولیم نے وضاحت کی کہ گیس نکلنے والے علاقے کے گرد و نواح میں گیس فراہمی ترجیع ہے مفت فراہمی کا قانون نہیں وفاقی وزیر شاہد خاقان عباسی نے وضاحت کی کہ کوئی کمپنی کوئی وزیریا وزیراعظم کسی کو بھی مفت گیس فراہم نہیں کرسکتا چیئرمین قائمہ کمیٹی سینیٹر یوسف نے کہا کہ قومی مفاد میں اس بل کو متفقہ منظور کیا جانا چاہے تاکہ سالانہ قوم کے اربوں روپے کی چوری کو روکا جا سکے پارلیمنٹ کے ممبران کو عوامی مفاد کے ہر بل کو منظور کرنا چاہے سینیٹر یوسف نے کہا کہ کمپنیوں کے ملازمین کی معاونت کے بغیر گیس چوری ناممکن ہے اور گیس چوری میں کمپنیوں کے ملازمین برابر کے شریک ہی نہیں بلکہ حصہ دار بھی ہیں اراکین کمیٹی کی رائے تھی کہ گیس چوری کرنے والے قومی مجرم ہیں قوانین اصل حالت میں لاگو کیے جائیں وزارت اور کمپنیوں کے ہاتھ مضبوط کیے جائیں کمیٹی کے اجلاس میں آگاہ کیا گیا کہ سینیٹر ڈاکٹرجہانگیر بدر کے بقایا جات کی تشریح کے بارے میں تحفظات پر وزارت قانون نے اتفاق نہیں کیا ۔
قائمہ کمیٹی نے گیس چوری پر قابو پانے اور وصولیوں کے بل 2014 پر تفصیلی بل پر بحث کے بعدمتفقہ طور پر منظور کرلیا ۔مزید متعلقہ خبریں پڑھئیے :
