برطانیہ میں 50برس بعد بھاپ سے چلنے والی ٹرین ایک بار پھر رواں دواں

ٹرین کمبریا سے شمالی یارکشائر تک روازنہ چار بار سفر کرے گی ، باقاعدہ سروس کا آغاز 31 مارچ سے ہو گا

بدھ 15 فروری 2017 16:10

لندن(اُردو پوائنٹ اخبار آن لائن۔ جمعرات 16 فروری 2017ء)برطانیہ میں 50برس بعد بھاپ سے چلنے والی ٹرین ایک بار پھر رواں دواں ہو گئی،ٹرین کمبریا سے شمالی یارکشائر تک روازنہ چار بار سفر کرے گی جبکہ باقاعدہ سروس کا آغاز 31 مارچ سے ہو گا۔غیر ملکی میڈیا کے مطابقبرطانیہ کے شمالی علاقے یارکشائر میں 50 برس بعد بھاپ سے چلنے والے انجن کی مدد سے چلنے والی ریل سروس کا ایک بار پھر آغاز ہو گیا ہے۔

(جاری ہے)

نورنیڈو نامی انجن کے ذریعے ایڈن ویلی سے چلی۔جنگلوں اور وادیوں سے گزرتی ٹرین جب یارکشائر ڈیلز سٹیشن پہنچی تو کچھ لوگ حیران ہوئے تو کچھ اس منظر کے سحر میں جکڑ گئے۔ ٹرین کمبریا سے شمالی یارکشائر تک روازنہ چار بار سفر کرے گی جبکہ باقاعدہ سروس کا آغاز 31 مارچ سے ہو گا۔بھاپ سے چلنے والی ٹرینوں کو برطانوی تاریخ میں اہم مقام حاصل ہے۔ اس نے انیسویں صدی میں ریلوے نے صنعتی ترقی میں اہم کردار ادا کیا جبکہ بچوں کے لئے فکشن کردار تھامس نے زبردست مقبولیت حاصل کی تھی۔