شاہ سلمان نے ڈونلڈٹرمپ کو مہنگی ترین تحائف سے نوازا

قیمتی اور نایاب ہیرے،سونے کی گن، سونے کی تلوار،ہیروں کی 25 گھڑیاں،ہیرے اور جوہرات سے سجی150 عبابہ،سونے سے تیار کردہ ٹرمپ کا مجسمہ،125 میٹر کی سونے کی تیار کردہ کشتی اور دیگر قیمتی تحائف دیئے گئے،رپورٹ

ہفتہ 27 مئی 2017 18:12

واشنگٹن(اُردو پوائنٹ اخبار آن لائن۔ اتوار 28 مئی 2017ء)سعودی فرمانروا شاہ سلمان نے امریکی صدر ڈونلڈ ٹرمپ کو انتہائی مہنگے ذاتی تحائف سے نوازا ہے اور یہ تحائف سعودی عرب کی تاریخ میں سب سے مہنگے تحائف میں شمار ہوتے ہیں۔ غیر ملکی خبررساں ادارے کی رپورص کے مطابق ٹرمپ کو شاہ سلمان کی طرف سے پیش کیے جانے والے تحائف انتہائی قیمتی اور نایاب کا ہیرا، خالص سونے سے تیار کردہ گن جس پر شاہ سلمان کی تصویر نقش تھی، 25 کلوگرام وزنی خالص سونے سے تیار گردہ تلوار جس پر ہیرے اور دیگر نادر قسم کے پتھر اور جواہر نصب ہیں اور اس تلوار کی قیمت 200 ملین ڈالر ہے، سونا اور ہیروں سے تیار 25 گھڑیاں، ٹرمپ اور اسکے گھر والوں کیلئے جن کی کل قیمت 200 ملین ڈالر ہے، ہیرے اور جواہرات سے سجے 150 سے زائد عبابہ، سعودی دارالحکومت ریاض میں واقع سب بڑی شاہراہ کا نام ڈونلڈ ٹرمپ سے منسوب کر دی گئی اور اس شاہراہ کے شروع میں ٹرمپ کی شکل کا ایک مجسمہ رکھدیا جائے گا، امریکہ میں واقع مشہور ’’مجسمہ آزادی‘‘ کا ایک چھوٹا سا ہم شکل، مگر یہ ہم شکل سونے، ہیرے اور جواہرات سے تیار شدہ ہے۔

(جاری ہے)

جسے ایک خاص سعودی طیارے کے ذریعے وائٹ ہائوس منتقل کیا جائے گا، 800 ملین ڈالر کی قیمتی یاٹ (کشتی) جسکی لمبائی 125 میٹر ہے اور یہ یاٹ دنیا کی سب سے لمبی ذاتی یاٹ ہے جس میں 80 کمرے اور 20 شاہی کمرے موجود ہیں اور ان کمروں کے بیشتر اجزاء سونے سے تیار کردہ ہیں اس یاٹ کو امریکی بحریہ کے ذریعے امریکہ روانہ کیا جائیگا۔ رپورٹ کے مطابق اس قدر قیمتی تحائف سعودی عرب نے پہلے کسی بھی سعودی عرب کا دورہ کرنیوالے صدر کو نہیں دے اور سعودی عرب فرمانروا کا اصرار تھا کہ یہ تحائف ٹرمپ کے ذاتی تحائف ہیں اور انہیں امریکہ کے عجائب گھروں میں نہ رکھا جائے۔

ان تمام تحائف کے علاوہ امریکی صدر ڈونلڈ ٹرمپ نے سعودی عرب کے ساتھ 400ارب ڈالر کے ہتھیاروں کی ڈیل کی ہے، دنیا میں طے پانے والی ہتھیاروں کی خرید و فروخت کی سب سے بڑی ڈیل ہے۔