انتخابات وقت پر ہوتے ہوئے دیکھ رہا ہوںالیکشن جب قریب آتے ہیں تو اتحادوں کا بننا نہیں بات نہیں،سنیٹراعتزازاحسن

عدلیہ کی جانب سے حدیبیہ کیس کو چھوڑ دینا تعجب کی بات ہے ، جے آئی ٹی میں جو ڈاکو منٹس نکالے گئے اس میں اسحاق ڈار کا اقبالی بیان ہے سپریم کورٹ میں حدیبیہ کیس میں جج تقسیم نظر آرہے ہیں، میڈیا سے بات چیت

ہفتہ 16 دسمبر 2017 21:47

کراچی (اُردو پوائنٹ اخبار آن لائن۔ ہفتہ 16 دسمبر 2017ء)پیپلز پارٹی کے رہنما سنیٹر اعتزاز احسن نے کہا ہے کہ میں انتخابات وقت پر ہوتے ہوئے دیکھ رہا ہوںالیکشن جب قریب آتے ہیں تو اتحادوں کا بننا نہیں بات نہیں، عدلیہ کی جانب سے حدیبیہ کیس کو چھوڑ دینا تعجب کی بات ہے، ان خیالات کا اظہار انھوں نے ہفتہ کومقامی میوزیم میں نوجوان آرٹسٹ جمیل نقش کی تصاویر کی نمائش کی افتتاحی تقریب میں میڈیا سے گفتگو کرتے ہوئے کیا۔

(جاری ہے)

انھوں نے کہا کہ میاں نواز شریف کے کیس میں انھوں نے الزامات کو تسلیم کیا تھااور وہ منی ٹریل نہیں دکھاسکے تھے۔جبکہ عمران خان نے اپنی منی ٹریل عدالت میں شو کی ہے، انھوں نے کہا کہ آئندہ کے عام انتخابات میں پیپلز پارٹی کا بہت اچھا مستقبل ہے ، مسلم لیگ ن میں اندرونی انتشار بڑھ جائے گا جبکہ تحریک انصاف میں تضادات اور یوٹرن سے عمران خان نے اپنی اہمیت کھوئی ہے، ایک سوال کے جواب میں انھوں نے کہا کہ عدلیہ کی جانب سے حدیبیہ کیس کو چھوڑ دینا تعجب کی بات ہے ، جے آئی ٹی میں جو ڈاکو مینٹس نکالے گئے ہیں اس میں اسحاق ڈار کا اقبالی بیان ہے سپریم کورٹ میں حدیبیہ کیس میں جج تقسیم نظر آرہے ہیں۔