سابق فرانسیسی صدر متراں کی نواسی کا وزیر ماحولیات پر جنسی زیادتی کا الزام

فرانسیسی حکومت کی وزیر ماحولیات کی حمایت، ایسا کوئی وجہ موجود نہیں کہ وزیر مستعفی ہوں،صدرماکروں

ہفتہ 10 فروری 2018 16:01

ْپیرس (اُردو پوائنٹ اخبار آن لائن۔ ہفتہ 10 فروری 2018ء)فرانس کے سابق صدر فرانسوا متراں کی نواسی نے اس امر کی تصدیق کی ہے کہ وزیر ماحولیات نکولا ہیلو کے خلاف دو دہائیوں پرانے جنسی زیادتی کے دعوے کے پیچھے موجود شخصیت وہ خود ہیں۔

(جاری ہے)

فرانس کے اخبارنے پیسکال متراں کے نام کے انکشاف کے بعد سابق صدر کی پوتی نے ایک بیان میں باور کرایا کہ انہوں نے 2008 میں نکولا ہیلو کے خلاف درخواست دائر کی تھی۔

نکولا ماحولیات کے دفاع کے حوالے سے ایک مشہور کارکن اور ٹی وی اداکار بھی ہیں۔دوسری جانب فرانسیسی حکومت نے وزیر ماحولیات کی حمایت کی ہے۔ صدر عمانوئل ماکروں کا کہنا تھا کہ ایسا کوئی وجہ موجود نہیں کہ فرانسیسی وزیر مستعفی ہوں۔یاد رہے کہ گزشتہ ماہ جنوری کے اواخر میں استغاثہ نے ماکروں حکومت کے وزیر بجٹ جیرالڈ ڈرمینن کے خلاف جنسی زیادتی کے الزامات کی تحقیقات کا دوبارہ سے آغاز کیا ہے۔