سعودی عرب،حلال کھانوں کا سب سے بڑا عالمی مرکز قائم

پیر 23 جولائی 2018 11:50

ریاض ۔ (اُردو پوائنٹ اخبار آن لائن۔ پیر 23 جولائی 2018ء) سعودی عرب کی فوڈ اینڈڈرگ اتھارٹی نے دنیا بھر میں حلال کھانوں کا سب سے بڑا مرکز قائم کردیا ہے۔سعودی اخبار کے مطابق یہ اقدام مسلم اور عرب دنیا میں سعودی عرب کے قائدانہ کردار کو اجاگر کرے گا۔ چیئرمین ڈاکٹر ہشام بن سعد نے اپنے ایک بیان میں کہا ہے کہ اس منصوبے کا سعودی ویژن 2030ء سے بڑا گہرا تعلق ہے۔

سعودی عرب تینوں براعظموں کو جوڑنے والا بھی محوری ملک ہے۔

(جاری ہے)

یہاں سرمایہ کاری کی پوزیشن بھی خاصی مضبوط ہے۔ انہوں نے توجہ دلائی کہ ایک عرصہ سے یہ ضرورت محسوس کی جارہی تھی کہ اسلامی شریعت کے مطابق حلال مصنوعات کے معیار پر نظر رکھنے والا مرکز ہو۔ یہ ایک ارب سے زیادہ مسلمانوں کی امیدوں کا بھی مرکز ثابت ہوگا۔ یہ مرکزکھانے پینے کی اشیاء اور معتبر تیار شدہ مصنوعات کے حلال ہونے کے سرٹیفکیٹس جاری کرے گا۔ علاوہ ازیں ایسے اداروں کی بھی فہرست پیش کرے گا جو حلال کے سرٹیفکیٹ جاری کرنے کے مجاز ہونگے۔ یہ مرکز جامعات اور ریسرچ سینٹرز کے تعاون سے تحقیقی کام بھی انجام دے گا۔