- Home
- Health
- Articles
- Ghiza Kay Zariay Mukhtalif Bemarion Ka Elaaj
- Blueberry Ka Neela Jadu Jism Mein Utar Kar Bolay
Blueberry Ka Neela Jadu Jism Mein Utar Kar Bolay - Article No. 2425
بلیو بیری کا نیلا جادو جسم میں اُتر کر بولے - تحریر نمبر 2425
اس سپر فوڈ سے ذیابیطس اور دیگر کیفیات کے زخم اور ناسور تیزی سے ٹھیک ہو سکتے ہیں
پیر 25 اپریل 2022
اگرچہ یہ یقین کرنا خاصا مشکل ہے کہ دکانوں پر عام دستیاب بیر نما اور نیلی رنگت رکھنے والی ایک چھوٹی سی چیز ان صحت بخش اشیاء میں سے کچھ زیادہ ہی خصوصیات رکھتی ہے جو آپ کھاتے ہیں۔اس کو اردو میں نیل بیری اور پشتو میں غزنی توت کہا جاتا ہے جبکہ دیگر زبانوں میں بھی اپنے اپنے نام ہیں تاہم بیشتر میں نیلے رنگ کی طرف اشارہ ملتا ہے۔بلیو بیریز کو مزے کے ساتھ ناشتے،کپ کیک،پین کیک اور کلچے پر لگا کر کھایا جا سکتا ہے۔
بلیو بیری وٹامن ”کے“ کا اچھا ذریعہ ہے جو کیلشیم کے ساتھ مل کر ہڈیوں کو مضبوط بناتا ہے۔جسم میں وٹامنز کی کمی کی ایک نشانی یہ ہے کہ ہڈیاں کمزور ہو جاتی ہیں۔وٹامن کے خون کے گاڑھا ہونے یا جمنے کی صورت میں بھی مفید ہے اور دل کی صحت بہتر رکھنے میں بھی کردار ادا کرتا ہے۔
(جاری ہے)
آدھا کپ بلیو بیریز میں صرف چالیس حرارے (کیلوریز) پائے جاتے ہیں۔ان کا پچاسی فیصد حصہ پانی اور فائبر پر مشتمل ہوتا ہے یہ چیزیں آپ کو سیر رکھتی ہیں اور دیر تک بھوک سے بچاتی ہیں۔تحقیق یہ بھی بتاتی ہے کہ بلیو بیریز میں پائی جانے والی اینتھکیانن اینٹی آکسیڈنٹس فربہ مریضوں میں انسولین کی اثر پذیری کو بہتر بناتے ہیں جس سے ٹائپ ٹو ذیابیطس کا خطرہ کم ہو سکتا ہے۔چند روز قبل خبر آئی تھی کہ بلیو بیری کھانے سے دماغ اور حافظہ بہترین رہتا ہے۔اب ایک اور تحقیق سے یہ ننھا میٹھا پھل سپر فوڈ بن گیا ہے کہ اس سے ذیابیطس اور دیگر کیفیات کے زخم اور ناسور تیزی سے ٹھیک ہو سکتے ہیں۔
ہم جانتے ہیں کہ زخم بھرنے کے لئے عین اس جگہ خون کی رگوں کا بننا اور سرگرمی بہت ضروری ہوتی ہے۔کیونکہ خون دیگر اہم اجزاء کو وہاں تک لاتا ہے اور کھال اور بافتیں بنتی ہیں۔اس عمل کو وسیکولرائزیشن کہا جاتا ہے۔ذیابیطس کے مریضوں کے پیر اور دیگر مقامات کے زخم اس وجہ سے ٹھیک نہیں ہوتے کہ خون کی نالیاں بننے کاعمل بہت سست ہو جاتا ہے۔زخم ناسور میں ڈھل جاتا ہے اور بعض مرتبہ انفیکشن پھیلنے سے ہاتھ پیر کاٹنے کی نوبت پیش آتی ہے جو شمع حیات بھی بجھا سکتی ہے۔
بلیو بیری میں فینول نامی اینٹی آکسیڈنٹ اس ضمن میں جادوئی اثر رکھتے ہیں۔یونیورسٹی آف مین نے ان کی آزمائش کی ہے اور دیکھا کہ فینول نامی مرکب زخموں پر خون کی رگیں بننے لگیں اور وہاں خلیات جمع ہوئے،جن کی باریک تہیں بنیں جو آخرکار کھال میں ڈھل گئیں۔یہ تجربات انسانی آنول نال کے خلیات پر کئے گئے تھے۔اس کے بعد یونیورسٹی آف مین کی پروفیسر ڈورتھی اور ان کے شریک سائنسدانوں نے ایک طرح کا جل والا مرہم بنایا جس میں بلیو بیری کے فینول ملائے گئے تھے۔پھر انہیں چوہوں کے گہرے زخموں پر آزمایا گیا۔اس طرح مرہم کے استعمال کے 6 دن کے اندر ہی اینڈوتھیلیئل خلیات یعنی باریک کھال بننے کا عمل شروع ہو گیا اور دیگر کے مقابلے میں زخم 12 فیصد تک تیزی سے بھرنے لگا۔اس کے علاوہ خون کی باریک نالیاں بھی نمودار ہونے لگیں۔اس طرح ثابت ہوا کہ جنگلی بلیو بیریوں میں موجود کیمیکلز بہت ہی موٴثر انداز میں زخموں کو درست کرنے کی صلاحیت رکھتے ہیں۔توقع ہے کہ یہ طریقہ جلنے کے گہرے زخم،پریشر السر اور ذیابیطس کے ناسوروں کو یکساں تیزی سے مندمل کر سکتا ہے۔تاہم اگلے مرحلے پر اسے انسانوں پر آزمایا جائے گا۔
Browse More Ghiza Kay Zariay Mukhtalif Bemarion Ka Elaaj
اسٹرابیری دل کو طاقت دیتی ہے
Strawberry Dil Ko Taqat Deti Hai
کھٹا میٹھا مزیدار انار
Khatta Meetha Mazedar Anar
بھنڈی ۔ جادوئی اثر رکھنے والی سبزی
Bhindi - Jadui Asar Rakhne Wali Sabzi
جو کا پانی
Jau Ka Pani
صحت کے لئے ہلدی بھی ضروری
Sehat Ke Liye Haldi Bhi Zaroori
ہم ٹماٹر کیوں کھائیں
Hum Tomato Kyun Khayen
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante
کیوی ۔ غذائیت اور افادیت سے مالامال فروٹ
Kiwi - Ghizaiyat Aur Afadiyat Se Malamaal Fruit