Khajoor Khaye Sehatmand Raheen - Article No. 2763
کھجور کھائیں صحت مند رہیں - تحریر نمبر 2763
یہ کئی امراض سے بچاتی ہے اور غذائی کمی کو پورا کرتی ہے
ہفتہ 16 ستمبر 2023
انسان ہزاروں سال سے کھجور کھاتا رہا ہے اور اب بھی یہ مقبول ترین میوہ توانائی سے بھرپور غذا کے درجے پر موجود ہیں۔ماہرین نے مزید تحقیق کر کے کھجور کے لاتعداد فوائد پیش کئے ہیں۔یہ کئی امراض سے بچاتی ہے اور غذائی کمی کو پورا کرتی ہے۔
وٹامن اور غذائیت
کھجور وٹامن کا خزانہ ہے جس میں کل چھ وٹامن پائے جاتے ہیں۔اس میں وٹامن سی کی مقدار کم ہوتی ہے لیکن وٹامن بی ون (تھایامن)،وٹامن بی ٹو (رائبوفلیون)،نیکوٹینک ایسڈ اور وٹامن اے بڑی تعداد میں موجود ہوتے ہیں۔اس میں ریشے (فائبر) دار اجزاء پائے جاتے ہیں جبکہ پوٹاشیم،میگنیشیم،تانبہ،سیلینیئم اور دیگر اہم معدنیات بھی موجود ہوتی ہیں۔اس کے علاوہ گلوکوز اور فریکٹوز والی شکریات بھی موجود ہیں۔
(جاری ہے)
یہی وجہ ہے کہ کھجور فوری طور پر توانائی پہنچاتی ہے اور پیٹ بھرنے کا احساس بڑھاتی ہے۔
عربی اطباء نے اسی بنیاد پر اسے مکمل غذا بھی قرار دیا ہے۔واشنگٹن ڈی سی کی غذائی ماہر،ایلیسن ٹیپر کہتی ہیں کہ صبح کے وقت کھجور کھائیں تو اس سے پورے دن توانائی بحال رہتی ہے اور شکم سیری کا احساس موجود رہتا ہے۔اینٹی آکسیڈنٹس
کھجوروں میں اینٹی آکسیڈنٹس کی بڑی مقدار موجود ہوتی ہے جو خلوی سطح پر شکست اور خرابی کو روکتے ہیں۔اینٹی آکسیڈنٹس غذائیں ہمیں اندرونی سوزش (انفلیمیشن)،امراضِ قلب اور کینسر سے بھی بچاتی ہے۔ایک قدرے پرانی تحقیق سے عیاں ہیں کہ کھجور میں پولی فینولز نامی اینٹی آکسیڈنٹس کیمیکل ذیابیطس،اعصابی تنزلی اور سرطان سے محفوظ رہتے ہیں۔پھر فائبر کی وجہ سے کھجور پورے نظام ہاضمہ کو قوی بناتی ہے۔ڈاکٹر ایلیسن کے مطابق فائبر بدہضمی،گیس اور قبض کو ختم کرتی ہے اور غذا کو جزو بدن بنانے میں مدد دیتی ہے۔
کھجور اور قلبی صحت
اینٹی آکسیڈنٹس اور فائبر کی بناء پر کھجور دل کے لئے ایک مفید پھل ہے۔کئی تحقیقات میں دیکھا گیا ہے کہ کھجور کھانے سے کولیسٹرول معمول پر رکھنے میں مدد ملتی ہے جس سے بلڈ پریشر،ہارٹ اٹیک اور فالج کا خطرہ کم ہو سکتا ہے۔ماہرِ غذائیات پروفیسر اینڈرسن ہائنز کے مطابق کھجور میں موجود پوٹاشیم اور میگنیشیم دل کو توانا اور بیماریوں سے محفوظ رکھتے ہیں۔
حاملہ خواتین ضرور کھائیں
پروفیسر اینڈرسن ہائنز کہتی ہیں کہ خواتین مدت حمل میں کھجور کا زیادہ استعمال رکھیں۔2017ء میں کی گئی ایک تحقیق کے مطابق کھجور کھانے سے بچے کی پیدائش کی تکلیف اور زچگی کا وقفہ کم ہو جاتا ہے۔ماہرین کے مطابق کھجور اور چھوہارے کو چینی کا متبادل قرار دیا جائے اور یہ کئی کاموں میں بطور شکر استعمال ہو سکتی ہے۔انہیں کیک،بسکٹ اور دیگر اجزاء میں شامل کر کے قدرتی مٹھاس کو بڑھایا جا سکتا ہے۔کھجور کا گلائسیمک انڈیکس بہت کم ہوتا ہے۔
Browse More Ghiza Kay Zariay Mukhtalif Bemarion Ka Elaaj
اسٹرابیری دل کو طاقت دیتی ہے
Strawberry Dil Ko Taqat Deti Hai
کھٹا میٹھا مزیدار انار
Khatta Meetha Mazedar Anar
بھنڈی ۔ جادوئی اثر رکھنے والی سبزی
Bhindi - Jadui Asar Rakhne Wali Sabzi
جو کا پانی
Jau Ka Pani
صحت کے لئے ہلدی بھی ضروری
Sehat Ke Liye Haldi Bhi Zaroori
ہم ٹماٹر کیوں کھائیں
Hum Tomato Kyun Khayen
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante
کیوی ۔ غذائیت اور افادیت سے مالامال فروٹ
Kiwi - Ghizaiyat Aur Afadiyat Se Malamaal Fruit