بند کریں
صحت مضامینمضامینانسانی دماغ۔ حیرت انگیز مشین

مزید مضامین

پچھلے مضامین - مزید مضامین
انسانی دماغ۔ حیرت انگیز مشین
پیدائش کے وقت انسانی دماغ کا وزن تقریباََ ایک پونڈ (آدھے کلو سے بھی کم) ہوتا ہے لیکن جب انسان چھے سال کی عمر کو پہنچتا ہے تو دماغ کا وزن تین پونڈ تک ہوجاتا ہے
شیخ عبدالحمید عابد:
پیدائش کے وقت انسانی دماغ کا وزن تقریباََ ایک پونڈ (آدھے کلو سے بھی کم) ہوتا ہے لیکن جب انسان چھے سال کی عمر کو پہنچتا ہے تو دماغ کا وزن تین پونڈ تک ہوجاتا ہے۔ وزن میں اضافے کا سبب کیا ہے؟ ماہرین کے مطابق جب ہم کھڑا ہونا ،باتیں کرنا اور چلنا سیکھ رہے ہوتے ہیں تو اس دوران ہمارے دفاغ میں رابطوں کا ایک جال بچھنے لگتا ہے اور یوں دماغ کا وزن بڑھ جاتا ہے۔
ہمارے دماغ میں تقریباََ سو ارب خلیات ہوتے ہیں۔ ایک دماغی خلیے کے دیگر دماغی خلیات کے ساتھ ایک ہزار سے دس ہزار تک رابطے ہوتے ہیں اور ان خلیات کے درمیان پیغامات کی منتقلی ایک سیکنڈ کے ہزارویں حصے ہو جاتی ہے۔
ہمارے دماغ کا دایاں حصہ جسم کے بائیں حصے کو قابو میں کرتا ہے جبکہ دماغ کا بایاں حصہ جسم کے دائیں حصے کو کام کرنے کے قابل بناتا ہے۔
دماغ کا وزن کُل جسمانی وزن کا تقریباََ دو فیصد ہوتا ہے لیکن یہ دماغ پورے جسم کو فراہم کی جانے والی اوکسی جن کا بیس فیصد اور پوری جسمانی توانائی کا بیس سے تیس فیصد استعمال کرتا ہے۔
دماغ سے ہمارے پٹھوں تک کوئی عمل کرنے کا پیغام چار سو کلو میٹر فی گھنٹے کی رفتار سے پہنچتا ہے۔
ایک دماغی اعصابی خلیے کا موٹا پن چار مائکرون ہوتا ہے جس کا مطلب یہ ہے کہ اس طرح کے تیس ہزار خلیات ایک پِن (PIN) کے سرے پر سما سکتے ہیں۔
ایک بالغ ڈدولفن کے دماغ کا وزن بالغ انسان کے دماغ جتنا ہوتا ہے تاہم ہاتھی کا دماغ ہمارے دماغ کے مقابلے میں چار سے پانچ گنا بڑا ہوتا ہے۔
اگر دماغ کو صرف پانچ سے دس منٹ تک کسی وجہ سے اوکسی جن فراہم نہ ہو سکے تو اسے شدید نقصان پہنچ سکتا ہے اور جان خطرے میں پڑ سکتی ہے۔
انسانی دماغ میں خون کی نالیوں کا جو جال سا بچھا ہوا ہے اس کی مجموعی لمبائی تقریباََ سات سو کلو میٹر ہے۔
ہر بار جب کوئی نیا خیال آپ کے ذہن میں اُبھرتا ہے یا کوئی نئی چیز یاد آتی ہے تو آپ کے دماغ میں دو یا دو سے زیادہ خلیات کے درمیان نئے رابطے وجود میں آجاتے ہیں۔
جب آپ جاگ رہے ہوتے ہیں اس وقت آپ کا دماغ پچیس واٹ طاقت کی بجلی پیدا کر رہا ہوتا ہے۔ یہ بجلی ایک بلب روشن کرنے کے لئے کافی ہے۔

(10) ووٹ وصول ہوئے