Uthne Baithne Ke Durust Andaz Apnain - Article No. 2691

عابد خان
کچھ معمولی عادات ایسی ہیں،جن کو درست کر لیا جائے تو انسان بہت سے طبی اور جسمانی مسائل سے بچ سکتا ہے۔انہی میں سے ایک ہمارے اٹھنے بیٹھنے کی عادات ہیں،جسے سمجھنا ہماری صحت کے لئے بہت ضروری ہے۔غلط انداز میں بیٹھے رہنا بہت سی جسمانی پیچیدگیوں کا باعث بنتا ہے اور یہ مسائل آگے چل کر بہت تکلیف دہ ثابت ہوتے ہیں۔اس ضمن میں برطانوی فیزیو تھراپسٹ نِک سنفیلڈ نے بیٹھنے یا کھڑے ہونے کی کچھ عام حالتوں کی غلطیوں کی نشاندہی کی ہے،جس سے آپ کو انہیں درست کرنے میں مدد مل سکتی ہے۔
جھک کر نہ بیٹھیں
جھک کر بیٹھنا اکثر آرام دہ ہوتا ہے۔لیکن وقت گزرنے کے ساتھ یہ پوزیشن پٹھوں پر دباؤ ڈال سکتی ہے اور درد کا سبب بن سکتی ہے۔

(جاری ہے)

صحیح طریقے سے بیٹھنے کی عادت ڈالیں۔

ہو سکتا ہے کہ پہلے آپ کو آرام محسوس نہ ہو کیونکہ آپ کے پٹھے اب صحیح پوزیشن پر آنے کے لئے تیار نہ ہوں مگر پھر آہستہ آہستہ آپ اس کے عادی ہو جائیں گے۔
اپنے کندھوں کو محراب نہ بنائیں
اپنے ڈیسک پر اپنے کمپیوٹر پر کام کرتے وقت آپ کا سر آگے کی طرف جھک سکتا ہے جو اوپری پیٹھ کو گول کرنے کا باعث ہو سکتا ہے اور نتیجتاً کندھے اکڑ جاتے ہیں۔ایسا ہی کچھ اس وقت ہوتا ہے جب آپ اپنا فون استعمال کرتے ہیں،جس سے ”ٹیکسٹ نیک سنڈروم“ جیسے مسائل پیدا ہو سکتے ہیں،جو گردن میں درد اور اکڑن،کمر میں درد اور سر درد کا باعث بن سکتے ہیں۔اپنی پوزیشن کو درست کرنے پر توجہ دینے کے علاوہ فزیو نِک سنفیلڈ اوپری کمر،گردن اور کندھوں کے پچھلے حصے،سینے کے پھیلاؤ اور گردن کے پوسچر کو درست کرنے اور انھیں مضبوط بنانے کے لئے ایکسر سائز یا خاص قسم کی ورزش کی تجویز دیتے ہیں۔
ایک ٹانگ پر کھڑے نہ ہوں
جب ہمیں طویل عرصے تک کھڑے رہنا پڑتا ہے تو کچھ چیز ہے جو ہم کچھ آرام کرنے کے لئے کرتے ہیں۔لیکن اپنے آپ کو سیدھا رکھنے کے لئے عام طور پر ہم اپنے گلٹس اور اہم اعصاب کا استعمال کرنے کے بجائے اپنی کمر کے نچلے حصے اور کولہے کے ایک طرف ضرورت سے زیادہ دباؤ ڈالتے ہیں۔وقت گزرنے کے ساتھ شرونیی حصے (پیلوک ایریا) کے ارد گرد پٹھوں میں عدم توازن پیدا ہو سکتا ہے۔ہمیشہ اپنے وزن کو دونوں ٹانگوں پر یکساں طور پر تقسیم کرتے ہوئے کھڑے رہنے کی عادت ڈالیں۔