Lemon Sirf Phal Nahi Dawa Bhi Hai - Article No. 1811
لیموں صرف پھل نہیں دوا بھی ہے - تحریر نمبر 1811
دال‘سوپ‘سبزی‘گوشت‘اچار وغیرہ کی صورت میں لیموں کا ہمارے یہاں بکثرت استعمال کیا جاتاہے جبکہ سلاد میں لیموں کا استعمال ہماری تہذیب کا حصہ ہےجسم کے وزن کو کم وزن کم کرنے کے لئے عرق لیموں کی افادیت اپنی جگہ مسلم ہے۔ یہ چکنائی کو تحلیل کرکے اعصاب پر مثبت اثرات مرتب کرتاہے
پیر 17 فروری 2020
پوری دنیا اس معجزہ نما پھل کے فوائد سے واقف ہے۔یہ صحت کے لئے بے حد مفید ہے اور اس میں موجود وٹامن Cجو اس پھل کو ترش بناتاہے، صحت کا بے مثال خزانہ ہے۔اس کا استعمال ویسے تو ہر موسم میں ہوتاہے لیکن برسات کے موسم میں اس کی افادیت اور بڑھ جاتی ہے ۔لیموں کے پودے میں سال میں 2بار پھل آتے ہیں۔جولائی اگست اور فروری مارچ میں۔لیموں کا استعمال تقریباً ہر گھر میں روزانہ ہوتاہے کیونکہ صدیوں سے ہم سنتے چلے آرہے ہیں کہ یہ کس درجہ مفید پھل ہے ۔ لیموں صرف ایک پھل ہی نہیں بلکہ دوا بھی ہے۔اس کے عرق کو کئی انداز سے استعمال کیا جاتاہے۔اس کے عرق کے استعمال کا سب سے بہتر طریقہ تو یہ ہے کہ اس کے رس کو آپ پانی میں حل کرکے استعمال کریں۔ویسے اس کا عرق اسکواش اور اسی قسم کے دیگر مشروبات میں بھی حل کرکے استعمال کیا جاتاہے۔
(جاری ہے)
صحت بخش ترشی
لیموں میں بھر پور صحت بخش ترش آمیز غذائیت ہوتی ہے ۔جیسے سڑک ایسڈ‘وٹامن C‘کیلشیم اور فاسفورس وغیرہ۔ لیموں کا تجزیہ کرنے کے بعد اس میں مندرجہ ذیل اجزاء پائے گئے ہیں۔ نمی 84.6فیصد‘ پروٹین1.5فیصد‘منرلز0.9فیصد‘ چکنائی 1.0فیصد وٹامن کی شمولیت 63ایم جی اور کیروٹین ایم جی فی سو گرام کے لحاظ سے۔تازہ لیموں کا عرق صدیوں سے ہندوستان‘ پاکستان اور دیگر علاقوں میں آیورویدک اور یونانی ادویات میں استعمال ہوتا چلا آیا ہے۔اس کا تذکرہ ہزاروں سال قدیم مذہبی کتابوں میں بھی موجود ہے ۔اسے ہڈیوں اور جوڑوں کے بے شمار امراض کے لئے مستند خیال کیا گیا ہے۔لیموں میں چونکہ خاص مقدار میں وٹامن Cپایا جاتاہے ۔اسی لئے اسے ایسی غذا تسلیم کیا گیا ہے جو خون کی بیماریوں کے خلاف مدافعت میں بہت کام آتاہے۔
بدہضمی
لیموں کو بدہضمی ختم کرنے کے لئے بے مثال تصور کیا گیا ہے۔اور ہمارے یہاں صدیوں سے بد ہضمی میں اس کے استعمال کی روایت چلی آرہی ہے۔لیموں کا عرق ایک چمچے میں لے کر اس میں شہد ملا کر استعمال کرنے سے الٹیاں ‘بد ہضمی‘سینے کی جلن جو معدے میں تیزابیت کی وجہ سے پیدا ہو جاتی ہے اس کا علاج ہوتاہے۔اتنا ہی نہیں بلکہ منہ میں ضرورت سے زیادہ تھوک پیدا ہونے کا بھی یہی علاج ہے۔اگر معدے میں تیزابیت شدید ہے تو ایسی صورت میں ایک چمچہ عرق لیموں میں شہد اور ایک چٹکی سوڈیم کاربونیٹ کے استعمال سے یہ تیزابیت فوری طور پر ختم ہو جاتی ہے۔لیموں کے عرق کو اگر صبح اُٹھ کر نیم گرم پانی کے ساتھ استعمال کیا جائے تو قبض دور کرنے کے لئے یہ ایک بے مثال نسخہ ہے۔متعدی امراض میں اس کا مسلسل استعمال مفید ہے۔لیموں میں موجود سڑک ایسڈ‘منرل سالٹ کے ساتھ مل کر جگر میں موجود چکنائی کو ختم کرنے میں بے مثال حیثیت رکھتاہے۔عرق لیموں جسم کی چکنائی کو کاٹ کر رکھ دیتاہے۔
ٹھنڈ کا اثر
عام قسم کے بخار اور ٹھنڈ کی صورت میں لیموں کے عرق کا استعمال ایک مجرب علاج ہے ۔اس کے لئے لیموں کے عرق کو پانی میں خوب اچھی طرح حل کر لیا جائے۔چونکہ اس میں وٹامن Cکی مقدار بہت زیادہ ہوتی ہے ۔اسی لئے یہ بدن میں قوت مدافعت کو بڑھانے کا کام کرتا ہے اور اس کے ساتھ ہی یہ بخار اور کمزوری کے اثرات کو دور کرتاہے۔گرم پانی میں شہد اور لیموں کا عرق ملا کر استعمال کرنا بخار اور خشک کھانسی کے لئے بے مثال ہے۔اس کا استعمال سردیوں میں بھی کیا جا سکتاہے۔لیموں کا عرق گلے کی خراش ٹونسلز کے علاج کے سلسلے میں بھی تجربات کی رو سے بہت افادیت کا حامل ہے۔ایک گلاس گرم پانی میں لیموں نچوڑ کر اس میں چار چمچے شہد ملا کر تھوڑا نمک چھڑک کر آہستہ آہستہ گھونٹ لیتے جائیں ۔گلے کی خراش ختم ہو جائے گی۔یہ عرق سوجے ہوئے جبڑوں کے لئے بھی بہت مفید ثابت ہوا ہے۔چونکہ اس میں وٹامن Cہوتاہے اسی لئے یہ جسم کے خلیات کو تقویت دے کر جوڑوں کے درد اور ہڈیوں کی سوجن کے علاج کے لئے بھی بہت مفید ہے۔
مٹاپے کے لئے
جسم کے وزن کو کم کرنے کے لئے عرق لیموں کی افادیت اپنی جگہ مسلم ہے ۔یہ چکنائی کو تحلیل کرکے اعصاب پر مثبت اثرات مرتب کرتاہے ۔اگر آپ بھی وزن کی زیادتی کا شکار ہیں تو ایک گلاس پانی میں عرق لیموں اور تھوڑا سا شہد ملا کر خالی پیٹ نہار منہ ایک مہینے تک استعمال کریں آپ کا وزن کم ہو جائے گا۔لیکن اس دوران مطلوبہ نتائج حاصل کرنے کے لئے آپ کو ایسی غذائیں استعمال کرنی ہوں گی جن میں کیلوریز کی مقدار کم ہو۔
Browse More Weight Loss
چاکلیٹ بھی کھائیں وزن بھی نہ بڑھائیں
Chocolate Bhi Khaye Wazan Bhi Na Barhain
سو جائیے،وزن کم ہو گا
So Jaiye Wazan Kam Ho Ga
پیری کون ڈائٹ
Perricone Diet
پیٹ بڑھ گیا ہے
Pait Badh Gaya Hai
رمضان ڈائٹ پلان
Ramadan Diet Plan
موٹاپا
Motapa
سردیوں میں ورزش کرنے کے زیادہ فائدے
Sardiyon Mein Warzish Karne Ke Ziyada Faide
تیز قدمی یا چہل قدمی
Taiz Qadmi Ya Chehal Qadmi
انڈے کھائیں وزن گھٹائیں
Anday Khayeen Wazan Ghatain
ڈائٹنگ کے بغیر وزن کم کرنا مشکل کام نہیں
Dieting Ke Bagair Wazan Kam Karna Mushkil Kaam Nahi
موٹاپا
Motapa
غذاؤں کے ذریعے سلم اور اسمارٹ رہیے
Ghizaon Ke Zariye Slim Aur Smart Rahiye