پشاور ، انسدادپولیومہم بدنام کرنے کی سازش کرنے والے شخص گرفتار

100سے زائد بچوں کو پولیو ویکسین پلائی گئی جس کے بعد حالت غیر ہوگئی، ابتدائی رپورٹ

پشاور ، انسدادپولیومہم بدنام کرنے کی سازش کرنے والے شخص گرفتار
پشاور (اُردو پوائنٹ اخبارتازہ ترین - این این آئی۔ 23 اپریل2019ء)صوبائی دارالحکومت پشاور میں انسدادپولیومہم بدنام کرنے کی سازش کرنے والے شخص کو گرفتار کرلیا گیا ۔میڈیا رپورٹ کے مطابق پشاورمیں پولیومہم کو بدنام کرنے کی گھنانی سازش کاپردہ فاش ہوگیا،گزشتہ روز پشاور کے علاقے ماشوخیل میں اہل علاقہ نے مرکز صحت پر حملہ کرتے ہوئے وہاں جلا گھیرا ئوکیا اور اسے آگ لگا دی تھی جس کے بارے میں ابتدائی طور پر بتایا گیا کہ 100 سے زائد بچوں کو پولیو ویکسین پلائی گئی جس کے بعد ان کی حالت غیر ہوگئی۔

بچوں کے بیہوش ہونے کی جعلی ویڈیو بنائے جانے کا منظر خوش قسمتی سے کیمرے کی آنکھ نے محفوظ کرلیا، ایک ویڈیو میں پولیو ویکسین پینے والے بچوں سے ایک شخص پشتو میں یہ کہتے سنا گیاکہ تم کو غلط قطرے پلائے گئے ہیں مگر بچے اس پر ہنستے ہوئے دکھائی دئیے۔

(جاری ہے)

ترجمان حیات آباد میڈیکل کمپلیکس کے مطابق بچوں کی حالت تشویشناک نہیں، بچوں کو قے اور سر چکرانے کی شکایت تھی۔

ضلعی انتظامیہ کی ابتدائی رپورٹ کے مطابق دارالقلم ماڈل اسکول ماشو خیل، حال مارک اسکول حسن گڑھی اور قدیم پرائمری اسکول میرہ کچوڑی میں پولیو کے قطرے پینے کے دوران بچوں میں ری ایکشن کی اطلاعات ملیں اور 767 بچے مختلف ہسپتالوں میں لائے گئے تاہم ان کی حالت ٹھیک پائی گئی۔دوسری جانب موشوخیل ہسپتال میں جلا گھیرا کا مقدمہ درج کرتے ہوئے بچوں کو بے ہوشی کا ڈرامہ کرنے والے ملزم کو گرفتار کرلیا جب کہ نامزد دیگر 12 ملزمان کی گرفتاری کے لیے چھاپے مارے جارہے ہیں۔

Your Thoughts and Comments