ڈپٹی کمشنر ٹانک کا اہم کارنامہ ‘ بچوں کو پولیو کے قطرے نہ پلانے والے والدین کو راضی کر کے بچوں کو پولیو کے قطرے خود پلائے

ٹانک(اُردو پوائنٹ اخبارتازہ ترین - این این آئی۔ 24 اپریل2019ء)ڈپٹی کمشنر ٹانک فہاد وزیر برستی بارش میں پو لیو مہم کی کامیابی کے لئے مختلف علاقوں کے دورے بچوں کو پولیو کے قطرے نہ پلانے والدین سے ملاقات انکاری والدین کوراضی کر کے 30سے زائد بچوں کو اپنے ہاتھوں سے پولیو کے قطرے پلائے صوبہ خیبر پختون خواہ میں پولیو کے منفی پروپیگنڈے سے پیدا ہونے والی صورتحال کے پیش نظر ڈپٹی کمشنر فہاد وزیر نے بدھ کے روز برستی ہوئی بارش میں پولیو مہم کے تیسرے روز ٹانک کے مختلف علاقوں کا دورہ کیا اور پولیو مہم کے لئے اٹھائے جانیوالے انتظامات کا جائزہ لیا اس موقع پر ڈپٹی کمشنر نے ان والدین سے ملاقات کی جو اپنے بچوں کو پولیو کے قطرے پلانے سے انکاری تھے انہوں نے انکاری والدین کو پولیو کے خطرناک وائرس کے بارے میں آگاہی دی جس کے بعد انکاری والدین اپنے بچوں کو پولیو کے قطرے پلانے کے لئے رضا مند ہو گئے جس کے بعد ڈپٹی کمشنر فہاد وزیر نے تیس سے زائد بچوں کو اپنے ہاتھوں سے پولیو کے قطرے پلائے ڈپٹی کمشنر کا کہنا تھا کہ پولیو کے قطروں کے خلاف کی جانیوالی منفی پروپیگنڈوں میں کسی بھی قسم کی سچائی نہیں ہے پولیو کے قطرے مضحر صحت نہیں ہیں بلکہ یہ قطرے پلا کر ہم اپنی آنے والی نسلوں کو اپاہج ہونے سے بچا سکتے ہیں انہوں نے اس موقع پر والدین، اساتذہ اور سول سوسائٹی سے تعلق رکھنے والے افراد سے اپیل کہ وہ پولیو کی ٹیموں کے ساتھ تعاون کریں تاکہ پولیو کا جڑ سے خاتمہ کیا جا سکے ان دوروں کے دوران NSTOPکے ڈاکٹر فہیم بھی ان کے ہمراہ تھے ۔

Your Thoughts and Comments