بند کریں
صحت صحت کی خبریںپرویز الہٰی نے کاغذی منصوبوں سے اپنی جیبیں بھریں اور پنجاب کو کنگال کردیا‘ملکی تاریخ میں ..

صحت خبریں

وقت اشاعت: 08/03/2013 - 22:27:20 وقت اشاعت: 08/03/2013 - 22:21:55 وقت اشاعت: 08/03/2013 - 20:28:36 وقت اشاعت: 08/03/2013 - 20:09:32 وقت اشاعت: 08/03/2013 - 19:28:05 وقت اشاعت: 08/03/2013 - 16:46:33 وقت اشاعت: 07/03/2013 - 23:31:29 وقت اشاعت: 07/03/2013 - 15:20:38 وقت اشاعت: 07/03/2013 - 13:04:40 وقت اشاعت: 06/03/2013 - 14:06:39 وقت اشاعت: 05/03/2013 - 21:10:17

پرویز الہٰی نے کاغذی منصوبوں سے اپنی جیبیں بھریں اور پنجاب کو کنگال کردیا‘ملکی تاریخ میں پہلی دفعہ کسی وزیراعلی نے اپنے آپ کو احتساب کے لئے پیش کیا ہے ‘مسلم لیگ(ن) کی مقبولیت سے (ق)لیگ کی نیندیں حرام ہوگئی ہیں، پنجاب کے وزیرقانون رانا ثناء اللہ کا پرویز الٰہی کے بیان پر ردعمل

لاہور ( اُردو پوائنٹ تازہ ترین اخبار۔آئی این پی۔ 8مارچ 2013ء) پنجاب کے وزیرقانون رانا ثناء اللہ نے کہا ہے کہ چوہدری برادران نے آمر کے ساتھ مل کر جمہوری حکومت پر شب خون مار کر ملک کو ناقابل تلافی نقصان پہنچایا اور اب وہ زربابا کی گود میں بیٹھے قومی خزانے کو دونوں ہاتھوں سے لوٹ رہے ہیں۔ پرویزالہٰی نے اپنے دور حکومت میں کاغذی منصوبے بنا کر اپنی جیبیں بھریں اور پنجاب کو کنگال کرکے رکھ دیا۔

مسلم لیگ (ن) کی بڑھتی ہوئی مقبولیت سے چوہدریوں کی نیندیں حرام ہوگئی ہیں اور آئندہ انتخابات میں عوام آمر کی آواز پر لبیک کہنے والے موقع پرستوں کے ٹولے کا بوریا بستر گول کر دیں گے۔ جمعہ کو ایک بیان میں رانا ثناء اللہ نے کہا کہ لوٹا برادران کی ساری سیاسی زندگی ابن الوقتی اور مفادپرستی سے عبارت ہے۔ انہوں نے کہا کہ (ق) لیگ اقتدار کی ہوس میں مبتلا چند سیاستدان نما لوگوں کا ٹولہ ہے اور چوہدری برادران اس ٹولے کے سرغنہ ہیں۔

انہوں نے کہا کہ پرویزالہٰی اینڈ کمپنی ذاتی مفادات کے تحفظ کی جنگ لڑتے لڑتے ذہنی دیوالیہ پن کا شکار ہوچکی ہے۔رانا ثناء اللہ نے کہا کہ مسلم لیگ (ن) پنجاب حکومت کی کارکردگی عوام کے سامنے ہے۔ میرٹ اور شفافیت حکومت کا طرہ امتیاز ہے۔ عالمی اداروں نے بھی اس امر کا اعتراف کیا ہے کہ پنجاب حکومت نے ایک ایک پائی شفاف انداز میں استعمال کی۔ انہوں نے کہا کہ پاکستان کی تاریخ میں پہلی مرتبہ وزیراعلیٰ نے اپنے آپ کو احتساب کیلئے پیش کیا ہے اور تین منصوبوں کی شفافیت جانچنے کیلئے ٹرانسپرنسی انٹرنیشنل سے معاہدہ پر دستخط کئے ہیں۔
08/03/2013 - 16:46:33 :وقت اشاعت