پولیو سے بچنے کیلئے پانچ سال سے کم عمر بچوں کوبہر صورت پولیو ویکسین کے قطرے پلائے جائیں،ڈاکٹر منظور احمد

باغ (اُردو پوائنٹ اخبارتازہ ترین - این این آئی۔ 25 نومبر2019ء) ڈسٹرکٹ ہیلتھ آفیسر باغ ڈاکٹرمنظور احمد خان نے کہاکہ پولیو ایک ایسا مرض ہے جس سے بچہ ہمیشہ کے لیے اپایئج ہوکر رہ جاتے ہیں ۔ اس مرض سے بچنے کے لیے پانچ سال سے کم عمر بچوں کوبہر صورت پولیو ویکسین کے قطرے پلائے جائیں۔تاکہ کوئی بھی بچہ پولیو سے بچاو کی ویکسین سے محروم نہ رہ جائے ضلع باغ میں سال 2019کی قومی پولیو مہم 16 دسمبر سی 20دسمبر 2019پانچ روزہ پانچ سال سے کم عمربچوںکو280موبائل ٹیمیں گھرگھر جاکر بچوں کوپولیو ویکسین پلائیں گی ۔

اس کے لیے اس مرتبہ خصوصی ہنگامی بنیادوں پر تمام ترانتظامات مکمل کرلیے گئے ہیںاور اس مہم کے دوران جوانکاری کیسز ہیںانکو فوکس رکھاجائے گا۔ان خیالات کااظہار انہوںنے ڈی ایچ اوآفس باغ میں محکمہ صحت عامہ کی میڈیکل فیلڈسٹاف کے ساتھ پولیوکے حوالہ سے جائزہ اجلاس میں کیا اس موقع پر ،ڈپٹی ڈی ایچ اوڈاکٹر محسن شاہ گردیزی ،ای او زنانہ محترمہ عفیفہ بتول گردیزی ،ڈبلیوایچ اوکے ڈاکٹرمحمد انور،ڈ،ڈسٹرکٹ ویکسنشین کوآڈرنیٹر راجہ محمد حنیف،اے ڈی ٹرینگ محترمہ رفعت آفتاب ،اے ڈی سروے محترمہ ساجدہ کے علاوہ ضلعی آفیسران ،میڈیاکے نمائندگان کے محکمہ صحت عامہ کے ڈاکٹرز اورمتعلقہ پیرامیڈیکل سٹاف نے کثیر تعداد میں شرکت کی ۔

(جاری ہے)

اسسٹنٹ ڈائریکٹر ٹرینگ محترمہ رفعت آفتاب نے بریفنگ دیتے ہوئے بتایا کہ ضلع باغ کی کل آبادی 382934نفوس پر مشتمل ہے ۔ ضلع باغ کے پانچ سال سے کم عمر کی61269بچوں کو پولیو سے بچاو کی ویکسین پلانے کے لیے 280موبائیل ٹیمیں تشکیل دی گئی ہیں۔جوگھر گھر جاکر بچوں کو پولیو ویکسین پلائیںگی ۔اس حوالہ سے ضلع میں 57فکسڈسنٹر قائم کئے گئے ہیں ۔جہاں پر فیلڈسے آنے والے بچوں کوپولیو ویکسین پلائی جائیں گی۔

ٖگاڑیوں کے اہم اڈوں اوربڑے بڑے راستوں میں9 ٹرائزٹ پوائیٹ بھی قائم کیے گیے ہیں ۔جہاں سفری بچوں کو پولیو کے قطرے پلانے کے لیے بندوبست ہوگا۔انہوںنے مزید کہاکہ ضلع باغ میں 57سپروائز راپنی اپنی یونین کونسل میں مہم کی نگرانی کریں گے ۔ ۔اس کے علاوہ 21ذونل سپروائزاپنے اپنے زون میں ٹیموں کی نگرانی کریںگے ۔ہریونین کونسل لیول پر پولیو اریڈیکشن کمیٹی تشکیل دی گئی ہے جس میں لیڈی ہیلتھ سپروائز ر اورصحت کے اہلکار ان کے علاوہ یونین کونسل میں امام مسجد ،پٹواری اوراساتذہ کاتعاون بھی شامل ہوگا۔

آزادکشمیر 18سال سے پولیوفری ہے ۔تاہم ضلع باغ میں پاکستان سے آکرآباد ہونے والوں پر خصوصی توجہ دی گئی ہے۔ضلع ہذا میں رپورٹنگ اورشکایات کے لیے پولیوکنٹرول سیل قائم کیاگیا ہے۔جس ٰمیںانس نمبر پر 05823-920089شکایات /رپورٹس درج کرائی جاسکتی ہے۔انہوںنے بتایا کہ سکول میں داخلے اوربیرون ملک سفر کے لیے بچوں کو حفاظتی ٹیکوں کا کارڈ لازمی ہوگا۔پاکستان میں سال 2019میںصرف6 8کیسز روپوٹ ہوئیںہیں سال رواں 2018میںصرف 8کیسز رپورٹ ہوئے ہیں ۔