بند کریں
صحت صحت کی خبریںپاکستان تھائی لینڈ کے ساتھ تعلقات کو انتہائی اہمیت دیتا ہے، خواہش ہے کہ دونوں ممالک کے مابین ..

صحت خبریں

وقت اشاعت: 06/04/2013 - 13:18:09 وقت اشاعت: 05/04/2013 - 20:51:49 وقت اشاعت: 05/04/2013 - 20:44:57 وقت اشاعت: 05/04/2013 - 20:37:48 وقت اشاعت: 04/04/2013 - 23:22:34 وقت اشاعت: 04/04/2013 - 20:23:36 وقت اشاعت: 04/04/2013 - 20:08:20 وقت اشاعت: 04/04/2013 - 20:08:20 وقت اشاعت: 04/04/2013 - 16:26:54 وقت اشاعت: 04/04/2013 - 14:03:45 وقت اشاعت: 04/04/2013 - 13:47:30

پاکستان تھائی لینڈ کے ساتھ تعلقات کو انتہائی اہمیت دیتا ہے، خواہش ہے کہ دونوں ممالک کے مابین تعلقات کو مزید وسعت دی جائے، ہمیں اپنی قدیمی تاریخی اورتہذیبی مماثلتوں کو آگے لے جانے کی ضرورت ہے، مستقبل کے لئے ایک باہمی طور پر مفید شراکت داری کو دونوں ممالک عوام کی بھلائی اور خوشخالی کیلئے بروئے کارلایا جائے ،ء چیئر مین سینیٹ سید نئیر حسین بخاری کی پاکستان میں تھائی لینڈ کے سفیر مارون ٹی اتاناون سے ملاقات میں بات چیت

اسلام آباد(اُردو پوائنٹ اخبار تازہ ترین۔آئی این پی۔4اپریل۔ 2013ء)چیئر مین سینیٹ سید نئیر حسین بخاری نے کہا ہے کہ پاکستان تھائی لینڈ کے ساتھ تعلقات کو انتہائی اہمیت دیتا ہے اور خواہش رکھتا ہے کہ دونوں ممالک کے مابین تعلقات کو مزید وسعت دی جائے ۔ ہمیں اپنی قدیمی تاریخی اورتہذیبی مماثلتوں کو آگے لے جانے کی ضرورت ہے تاکہ مستقبل کے لئے ایک باہمی طور پر مفید شراکت داری کو دونوں ممالک عوام کی بھلائی اور خوشخالی کیلئے بروئے کار لا سکیں ۔

وہ جمعرات کو پاکستان میں تھائی لینڈ کے سفیر مارون ٹی اتاناون سے پارلیمنٹ ہاؤ س میں ملاقات کے دوران بات چیت کررہے تھے ۔ چیئرمین سینیٹ نے کہا کہ دوستانہ تعلقات کے باعث دوستی اور بھائی چارے کے رشتے مزید مستحکم ہو رہے ہیں جن کی بنیادیں محبت ، باہمی احترام اور تعاون پر مبنی ہیں۔ انہوں نے کہا کہ دونوں ممالک کے درمیان بین الاقوامی اور علاقائی امور پر ہم آہنگی پائی جاتی ہے اور دونوں ممالک کے مابین اعلیٰ سطح پر وفود کے تبادلے تعلقات کو مزید استحکام دینے میں مدد گار ثابت ہو سکتے ہیں۔

سید نیئربخاری نے کہا کہ تھائی لینڈ مشرقی ایشیاء میں اہم ملک ہے اور پاکستان تھائی لیڈر شپ کو انتہائی اہمیت دیتا ہے ۔ چیئرمین سینیٹ نے تھائی پارلیمنٹ کے اپر ہاؤس کے وفد کو پاکستان آنے کی دعوت دیتے ہوئے کہا کہ اُن کا دورہ مفید ثابت ہو گا اور پاکستان میں ہونے والے الیکشن دیکھنے کا موقع بھی ملے گا۔ چیئرمین سینیٹ نے کہا کہ پاکستانیوں کی ایک بڑی تعداد تھائی لینڈ سیر کے لیے جاتی ہے جبکہ وہاں کے سیاحوں کا رخ پاکستان کی جانب بہت کم ہے ۔

انہوں نے کہا کہ پاکستان تاریخی ورثے اور خوبصورت قدرتی مناظر کی دولت سے مالامال ملک ہے اور تھائی لینڈ کے سیاح یہاں کی سیرو تفریخ سے لطف اندوز ہونگے ۔ تھائی کے سفیر مارون ٹی اتاناون نے چیئرمین سینیٹ کو تھائی پارلیمانی وفد کو پاکستان آنے کی دعوت کا شکریہ ادا کرتے ہوئے کہاکہ تھائی وفد اس ماہ کے آخر میں پاکستان کا دورہ کر ے گا انہوں نے کہا کہ تھائی کے لوگ پاکستانی بدُھ مت تہذیب میں بہت دلچسپی رکھتے ہیں اور اُن کے دورے سے ثقافتی تبادلے اور عوامی روابط کومزید فروغ ملے گا ۔
04/04/2013 - 20:23:36 :وقت اشاعت