بند کریں
صحت صحت کی خبریںحکومت آزاد کشمیرطلباء کیلئے سٹوڈنٹ میڈیکل کارڈ کا اجراء کرے ‘ آزاد کشمیر کے تمام ضلعی وتحصیل ..

صحت خبریں

وقت اشاعت: 07/07/2013 - 20:40:30 وقت اشاعت: 07/07/2013 - 20:38:24 وقت اشاعت: 07/07/2013 - 16:33:28 وقت اشاعت: 06/07/2013 - 16:11:46 وقت اشاعت: 06/07/2013 - 16:11:15 وقت اشاعت: 06/07/2013 - 16:09:53 وقت اشاعت: 05/07/2013 - 23:04:41 وقت اشاعت: 05/07/2013 - 22:58:53 وقت اشاعت: 05/07/2013 - 22:58:53 وقت اشاعت: 05/07/2013 - 22:52:39 وقت اشاعت: 05/07/2013 - 20:41:06

حکومت آزاد کشمیرطلباء کیلئے سٹوڈنٹ میڈیکل کارڈ کا اجراء کرے ‘ آزاد کشمیر کے تمام ضلعی وتحصیل ہسپتالوں میں طلباء کو مفت ادویات کی فراہمی عمل میں لائی جائے‘ آزاد کشمیر بھر میں کمبائنڈ ملٹری ہسپتالوں میں شام کے اوقات میں بھی ملٹری کور کے ڈاکٹر صاحبان کو تعینات کیا جائے‘ ریاست کا مستقبل نوجوانوں سے وابستہ ہے‘ نیشنل یوتھ اسمبلی آزاد کشمیر و پاکستان کے چاروں صوبوں میں نوجوانوں و طلباء کے حقوق کی آواز بلند کرتی رہے گی، نیشنل یوتھ اسمبلی آزاد کشمیر کے وزیر برائے امور نوجوانان دانیال شہاب کی بات چیت

مظفرآباد(اُردو پوائنٹ تازہ ترین اخبار۔آئی این پی۔ 6جولائی 2013ء)نیشنل یوتھ اسمبلی آزاد کشمیر کے وزیر برائے امور نوجوانان دانیال شہاب نے حکومت آزاد کشمیرسے مطالبہ کیا ہے کہ طلباء کے لیے سٹوڈنٹ میڈیکل کارڈ کا اجراء کیا جائے اور آزاد کشمیر کے تمام ضلعی وتحصیل ہسپتالوں میں طلباء کو مفت ادویات کی فراہمی عمل میں لائی جائے۔ آزاد کشمیر بھر میں کمبائنڈ ملٹری ہسپتالوں میں شام کے اوقات میں بھی ملٹری کور کے ڈاکٹر صاحبان کو بھی تعینات کیا جائے۔

ریاست کا مستقبل نوجوانوں سے وابستہ ہے اور صحت مند معاشرے کی بنیاد میں چست و توانا طلباء و نوجوان ہی اپنا کردار ادا کر سکتے ہیں۔نیشنل یوتھ اسمبلی آزاد کشمیر و پاکستان کے چاروں صوبوں میں نوجوانوں و طلباء کے حقوق کی آواز بلند کرتی رہے گی۔ وہ گزشتہ روز یہاں نیشنل یوتھ اسمبلی کے ممبران عرفان عباسی ،راجہ تیمور ممتازو کونسلرز سردار عتیق احمد عباسی سے ملاقات میں بات چیت کر رہے تھے۔

نیشنل یوتھ اسمبلی کے وزیر برائے امور نوجوانان دانیال شہاب نے کہا کہ نوجوانوں کو ہمیشہ سیکھنے سکھانے کے عمل سے گزر نے کے لیے ہمہ وقت تیار رہنا چاہیے۔ نوجوان معاشرے کی نا صرف بنیاد رکھتے ہیں بلکہ آنے والی نسل کے لیے روشن مستقبل کو اپنے ہاتھ سے تحریر کرنے کی صلاحیت رکھتے ہیں۔ انہوں نے کہا کہ آزاد کشمیر میں نوجوانوں کی رہنمائی کے لیے نیشنل یوتھ اسمبلی اپنا بھر پور کردار ادا کرتی رہے گی۔

نوجوانوں کو تحمل و بردباری کا مظاہرہ ہمیشہ کرنا ہو گا۔ جذبات سے صرف وقتی کامیابی حاصل ہوتی ہے اور ہماری منزل پڑھا لکھا،کامیاب اور روشن کشمیر ہے اور اپنی منزل کے حصول کی جانب روزانہ ایک قدم اٹھانا ہو گا۔آزاد کشمیر کو حقیقی معنوں میں کامیاب ریاست بنانے کے لیے سب کو اپنی بساط سے بڑھ کر کردار ادا کرنا ہوگا۔ اس موقع پر انہوں نے کہا کہ طلباء ریاست کا روشن مستقبل ہیں،ان کی صحت کی جانب توجہ دینا حکومت کی اولین ذمہ داری میں شامل ہونا چاہیے۔

صرف سرکاری ملازمین ہی نہیں بلکہ پرائیویٹ و سرکاری سکولوں ،کالجز و یونیورسٹی میں پڑھنے والے طلباء کے لیے حکومت فی الفور سٹوڈنٹ میڈیکل کارڈ کا اجراء کرے اور ان کو مفت ادویات کی فراہمی عمل میں لائی جائے ۔ انہوں نے مزید کہا کہ حکومت آزاد کشمیر ،ریاست میں کمبائنڈ ملٹری ہسپتالوں میں شام کے اوقات میں بھی ملٹری ڈاکٹرزصاحبان کو بھی تعینات کرے تا کہ عوام کو صحت کے حوالے سے بہترین سہولیات میسر ہو سکیں۔اس موقع پر وزیر امور نوجوانان نے ممبران نیشنل یوتھ اسمبلی سے مختلف تجاویز و آراء لیں اور اس بات پر زور دیا کہ نوجوانوں کی چھپی ہو ئی صلاحیتوں کو سامنے لانے کے لیے زیادہ سے زیادہ پروگرامات کا انعقاد کیا جائے۔
06/07/2013 - 16:09:53 :وقت اشاعت