بند کریں
صحت صحت کی خبریںجنوبی وزیرستان ،قبائلی عمائدین نے خود پولیو کے قطرے پی کر انوکھی مثال قائم کردی

صحت خبریں

وقت اشاعت: 25/10/2014 - 16:06:56 وقت اشاعت: 25/10/2014 - 14:47:13 وقت اشاعت: 25/10/2014 - 14:42:42 وقت اشاعت: 25/10/2014 - 14:35:53 وقت اشاعت: 25/10/2014 - 12:42:47 وقت اشاعت: 24/10/2014 - 23:20:48 وقت اشاعت: 24/10/2014 - 22:09:18 وقت اشاعت: 24/10/2014 - 21:32:34 وقت اشاعت: 24/10/2014 - 19:20:02 وقت اشاعت: 24/10/2014 - 19:02:10 وقت اشاعت: 24/10/2014 - 18:36:42

جنوبی وزیرستان ،قبائلی عمائدین نے خود پولیو کے قطرے پی کر انوکھی مثال قائم کردی

جنوبی وزیرستان (اُردو پوائنٹ اخبار تازہ ترین۔24 اکتوبر۔2014ء )جنوبی وزیرستان کے قبائلی عمائدین نے خود پولیو کے قطرے پی کر پولیو کے بین الاقوامی دن کے حوالے سے ایک انوکھی مثال قائم کردی۔قبائلی عمائدین نے پولیو کے حوالے سے ایک جرگہ بھی منعقد کیا اور پولیٹیکل کمپاونڈ جنوبی وزیرستان کے ریسٹ ہاوس سے واک شروع کرکے باب وزیرستان تک واک کرتے ہوئے اجتماعی دعا کی ۔

زرائع کے مطابق جمعہ کے دن جنوبی وزیرستان میں پولیو کے حوالے سے مختلف تقاریب منعقد ہو ئے ۔مگر جنوبی وزیرستان کے پولیٹیکل کمپاونڈ میں پولیو کے عالمی دن کے حوالے سے منعقدہ تقریب میں جب قبائلی عمائدین نے پولیٹیکل آفیسر نواب خان صافی سے کہا کہ وہ ہمیں پولیو کے قطرے پلائیں تاکہ ہم دنیا پر واضح کریں کہ وہ پولیو موذی مرض کا خاتمہ کرنا چاہتے ہیں۔

پولیٹیکل آفسیرنواب خان صافی نے تمام قبائلی عمائدین کو پولیو کے قطرے پلائے۔پولیو کے عالمی دن کے حوالے سے پولیٹیکل کمپاونڈ کے ریسٹ ہاوس میں جرگہ بھی منعقد ہوا ۔قبائلی عمائدین نے ریسٹ ہاوس سے باب وزیرستان تک قبائلی عمائدین نے واک بھی کیا ۔جرگہ سے خطاب کرتے ہوئے پولیٹیکل آفیسر نواب خان صافی اور قبائلی عمائدین کا کہناتھا کہ آج عالمی یوم پولیو پر جنوبی وزیرستان کے محسود اور برکی قبائل کے عمائدین نے پولیو کے قطرے خود پی کر ثابت کردیا کہ وہ جنوبی وزیرستان سے پولیو کا مکمل طور پر خاتمہ کرنا چاہتے ہیں۔

انھوں نے کہا کہ پولیو ایک نہایت خطرناک مرض ہے ۔اس مرض کا وائرس جب کسی بچے کو لگ جاتا ہے تو اسے ساری عمر کے لئے معذور بنادیتا ہے ۔قبائلی عمائدین نے اس موقع پر اعلان کیا کہ وہ پولیو مہم کے دوران نہ صرف اپنے بچوں کو پولیو کے قطرے پلائیں گے بلکہ قریب میں رہنے والے دیگر بچوں کو بھی پولیو کے قطرے پلانے میں بھر پور کردار ادا کریں گے۔قبائلی عمائدین نے ریسٹ ہاوس میں پولیو کے حوالے سے جرگہ بھی منعقد کیا ۔

بعد میں ریسٹ ہاوس سے باب وزیرستان تک واک کیا ۔تقریب میں جنوبی وزیرستان کے محسود اور برکی قبائل کے عمائدین،علماء کرام ،پولیٹیکل انتظامیہ جنوبی وزیرستان ،محکمہ صحت جنوبی وزیرستان کے حکام اور پولیو کے لئے کام کرنے والے عالمی اداروں کے نمائندوں نے بھی شرکت کی۔واک کے اختتام پر قبائلی عمائدین نے پولیو کے خاتمے کے لئے اجتماعی دعا بھی کی ۔

24/10/2014 - 23:20:48 :وقت اشاعت