بند کریں
صحت صحت کی خبریںعمران خان اور طاہرالقادری کے دھرنوں میں عوامی شرکت نے ثابت کردیا کہ عوام دھاندلی کے ذریعے ..

صحت خبریں

وقت اشاعت: 24/11/2014 - 13:31:26 وقت اشاعت: 24/11/2014 - 13:30:06 وقت اشاعت: 24/11/2014 - 13:26:31 وقت اشاعت: 24/11/2014 - 11:45:08 وقت اشاعت: 24/11/2014 - 11:09:02 وقت اشاعت: 23/11/2014 - 20:31:54 وقت اشاعت: 23/11/2014 - 19:22:03 وقت اشاعت: 23/11/2014 - 17:34:48 وقت اشاعت: 23/11/2014 - 17:28:07 وقت اشاعت: 23/11/2014 - 17:24:32 وقت اشاعت: 23/11/2014 - 17:11:32

عمران خان اور طاہرالقادری کے دھرنوں میں عوامی شرکت نے ثابت کردیا کہ عوام دھاندلی کے ذریعے برسراقتدار آنے والوں کو مسترد کرچکے ہیں، موجودہ حکمران اقتدار کے اخلاقی جواز سے محروم ہوچکے ہیں،پاکستان کو خطرات و بحرانوں سے نکال کر مستحکم و خوشحال بنانے اور عوام کی تکالیف ، مسائل و مصائب کا خاتمہ کرکے ایکبار پھر انہیں امن ، انصاف ، روزگار ، تعلیم اور صحت دیں گے ،آل پاکستان مسلم لیگ کے چیئرمین سابق صدرپرویز مشرف کا مٹیاری میں اے پی ایم ایل کے کنونشن سے خطاب

کراچی/مٹیاری(اُردو پوائنٹ اخبار تازہ ترین۔23نومبر۔2014ء)آل پاکستان مسلم لیگ کے چیئرمین سابق صدرپرویز مشرف نے کہا ہے کہ عمران خان اور طاہرالقادری کے انتخابی دھاندلی کیخلاف طویل ترین دھرنوں اور جلسوں میں عوامی شرکت و شمولیت نے ثابت کردیا ہے کہ پاکستان کے 18کروڑ عوام دھاندلی کے ذریعے برسراقتدار آنے والوں کو مسترد کرچکے ہیں، موجودہ حکمران اقتدار کے اخلاقی جواز سے مکمل طور پر محروم ہوچکے ہیں،پاکستان کو خطرات و بحرانوں سے نکال کر مستحکم و خوشحال بنانے اور عوام کی تکالیف ، مسائل و مصائب کا خاتمہ کرکے ایکبار پھر انہیں امن ، انصاف ، روزگار ، تعلیم ، صحت اور دیگر بنیادی سہولیات کی فراہمی کیلئے آل پاکستان مسلم لیگ کی بنیاد ر،یہ جماعت اور میں خودفلاح عوام و پاکستان کیلئے مکمل طور پر سیاست میں فعال ہوچکاہوں ۔

وہ اتوار کو مٹیاری میں ہونے والے اے پی ایم ایل کے کنونشن سے خطاب کررہے تھے ۔انہوں نے کہا کہ پاکستان کے حالات انتہائی خراب ہیں اور اگر درست قیادت کے حوالے ملک کی باگ ڈور نہ کی گئی تو ناقابل تلافی نقصان پہنچنے کا خدشہ و خطرہ ہے ۔ پرویز مشرف نے کہا کہ پاکستان کو خطرات و بحرانوں سے نکال کر مستحکم و خوشحال بنانے اور عوام کی تکالیف ، مسائل و مصائب کا خاتمہ کرکے ایکبار پھر انہیں امن ، انصاف ، روزگار ، تعلیم ، صحت اور دیگر بنیادی سہولیات کی فراہمی کیلئے میں نے آل پاکستان مسلم لیگ کی بنیاد رکھی اور اب یہ جماعت اور میں خودفلاح عوام و پاکستان کیلئے مکمل طور پر سیاست میں فعال ہوچکے ہیں کیونکہ عوام کو میری ضرورت ہے اور اب عوام کا یہ فریضہ ہے کہ وہ اپنے مسائل کے حل اور ایکبار پھر میرے سابق دور اقتدار جیسے امن وخوشحالی کے حصول اورپاکستان کومستحکم ، ترقی یافتہ و پر امن ریاست بنانے کیلئے میرا بھرپور ساتھ دیں ۔

اے پی ایم ایل سندھ کے ترجمان و سیکریٹری اطلاعات طاہر حسین سید کے مطابق صوبائی کنونشن سے پرویز مشرف کے علاوہ مرکزی جنرل سیکریٹری ڈاکٹر امجد ، صوبائی صدر شہاب الدین شاہ حسینی اور سندھ کے جنرل سیکرٹری شاہد قریشی و دیگر نے بھی خطاب کیا ۔

23/11/2014 - 20:31:54 :وقت اشاعت