- Home
- Health
- Health News
- سندھ کی زراعت تباہ کرکے لاکھوں کسانوں ، ہاریوں اور محنت کشوں کے بے روزگار کرنے کی سازشوں کا ..
سندھ کی زراعت تباہ کرکے لاکھوں کسانوں ، ہاریوں اور محنت کشوں کے بے روزگار کرنے کی سازشوں کا ڈٹ کر مقابلہ کیا جائے گا ،علی اکبر گجر ،
شوگر ملز مالکان کے روئیے میں تبدیلی نہ آئی تو پاکستان مسلم لیگ(ن) سندھ کی قیادت اور کارکنان سندھ کے ہاریوں اور کسانوں کے ساتھ کھڑے ہونگے،سینئر صوبائی لیگی رہنما
جمعہ 9 جنوری 2015 20:04
کراچی(اُردو پوائنٹ تازہ ترین اخبار۔ 09 جنوری 2015ء) سندھ کی زراعت تباہ کرکے لاکھوں کسانوں ، ہاریوں اور محنت کشوں کے بے روزگار کرنے کی سازشوں کا ڈٹ کر مقابلہ کیا جائے گا․ شوگر ملز مالکان کے روئیے میں تبدیلی نہ آئی تو پاکستان مسلم لیگ(ن) سندھ کی قیادت اور کارکنان سندھ کے ہاریوں اور کسانوں کے ساتھ کھڑے ہونگے․حکمران مسلم لیگ(ن) کے سینئر صوبائی رہنما علی اکبر گجر نے سندھ میں گنے کی خریداری سے انکار اور شوگر ملز کی بندش پرتنقید کرتے ہوئے کہا ہے کہ سندھ کی شوگر ملوں کی بندش کسانوں اور ملز میں کام کرنے والے ملازمین کے ساتھ ظلم ہے․ ہاریوں کے ووٹ سے اراکین اسمبلی اور وزیر بننے والے شوگر مل مالکان سندھ کے عوام کے مینڈیٹ کی توہین کر رہے ہیں․ حکومت کی مقر کردہ قیمت کی ادائیگی سندھ حکومت کی ذ مہ داری ہے صوبائی حکومت کی طرف سے سندھ کے کسانوں کے ساتھ زیادتیوں پر نوٹس نہ لیا گیا تو سندھ بھر میں احتجاج کی مہم شروع ہو سکتی ہے․ محنت کشوں اور مزدوروں کے حقوق کے تحفظ کا دعوی کرنے والی سندھ کی حکمران جماعت شوگر مل مالکان کے روئیے پر خاموش رہ کر یہ ثابت کر رہی ہے کہ اسے صوبے کے ہاریوں، محنت کشوں اور چھوٹے زمینداروں کے مفادات ساتھ کوئی دلچسپی نہیں․پاکستان مسلم لیگ(ن) سندھ کے سینئر رہنما علی اکبر گجر نے سندھ کے شوگر ملز مالکان کی طرف سے گنے کے کاشتکاروں کو حکومت کی طرف سے مقرر کردہ قیمت کی ادائیگی سے انکار کو سندھ کے ہاریوں کے خلاف سازش قرار دیتے ہوئے کہا ہے کہ پاکستان مسلم لیگ(ن) سندھ کے ہاریوں، کسانوں اور چھوٹے زمینداروں کے ساتھ نا انصافی نہیں ہونے گی․ محنت کش کسانوں کو گنے کی سرکاری قیمت ادا کی جائے اور فصلوں کو نقصان پہنچنے سے پہلے کاشت گاروں کی فصل کی خریداری یقینی بنائی جائے․ سندھ کے کاشتکاروں کے ساتھ زیادتیوں کے خلاف بھرپور آواز اٹھائیں گے․ حکومت سندھ کی آئینی، قانونی اور اخلاقی ذمہ داری ہے کہ وہ گنے کے سرکاری مقرر کردہ نرخوں پر کاشتکاروں کو ادائیگی یقینی بنائے اور صوبے کے مل مالکان جن کی اکثریت کا تعلق مبینہ طور پر حکمران جماعت کے ساتھ ہے کو حکومتی احکامات پر عمل درآمد کا پابند بنائے․ سندھ کی مجموعی آبادی کی نصف سے زائد کا تعلق زراعت کے پیشے سے ہے اگر سندھ کے کاشتکاروں کو ان کی پیداوار کا جائز معاوضہ ادا نہ کیا گیا تو آنے والے دنوں میں سندھ کی زرعی پیداوار میں بڑی کمی کا خطرہ پیدا ہو سکتا ہے․ سندھ کے کاشتکار صوبائی حکومت کا اپنے ہی فیصلوں پر عمل درآمد نہ کروانے پر تشویش کا شکار ہیں اور یہ سمجھ رہے ہیں کہ سند ھ کی صوبائی حکومت اور شوگر مل مالکان گٹھ جوڑ کر کے گنے کی سرکاری قیمت کی بجائے مل مالکان کی تجویز کردہ قیمت پر ادائیگی کے لئے سازشیں کر رہے ہیں․ مسلم لیگ(ن) سندھ کے رہنما علی اکبر گجر مطالبہ کیا کہ حکومت سندھ بلا تاخیر صوبے کے شوگر مل مالکان کو اس بات کا پابند کرے کہ وہ حکومت کی مقرر کردہ قیمت پر کاشتکاروں سے گنے کی خریداری کریں اور کرشنگ کا آغاز کریں اس میں تاخیر گنے کی فصل کو نقصان پہنچانے کا سبب بنے گی جس کے ذمہ دار شوگر ملز کی انتظامیہ اور صوبائی حکومت کے متعلقہ اہلکار ہونگے․ سندھ کے کاشتکاروں سے حکومت کی مقرر کردہ قیمت پت گنا نہ خریدنے اور شوگر ملز میں کرشنگ میں تاخیر کی وجہ سے کاشتکاروں کو پہنچنے والے نقصان کی ادائیگی سندھ کے شوگر ملز مالکان سے کروائی جائے بصورت دیگر محنت کشوں، ہاریوں اور کاشتکاروں کے ووٹ کی دعوے دار سندھ کی حکمران جماعت اس بات کو یقینی بنائے کہ سندھ کے کاشت کاروں کی گنے کی تمام فصل فوری طور پر سرکاری قیمت پر خریدی جائے۔
Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر