بند کریں
صحت صحت کی خبریںعراق میں بار بار تعینات کئے جانے والے امریکی فوجی ڈیپریشن کا شکار ہو گئے،جنگ زدہ ملک میں تین ..

صحت خبریں

وقت اشاعت: 08/04/2008 - 16:25:04 وقت اشاعت: 08/04/2008 - 13:46:09 وقت اشاعت: 07/04/2008 - 18:45:33 وقت اشاعت: 07/04/2008 - 17:55:45 وقت اشاعت: 07/04/2008 - 13:30:23 وقت اشاعت: 07/04/2008 - 13:30:23 وقت اشاعت: 04/04/2008 - 22:39:52 وقت اشاعت: 04/04/2008 - 15:43:15 وقت اشاعت: 04/04/2008 - 12:34:05 وقت اشاعت: 03/04/2008 - 18:08:47 وقت اشاعت: 03/04/2008 - 11:29:57

عراق میں بار بار تعینات کئے جانے والے امریکی فوجی ڈیپریشن کا شکار ہو گئے،جنگ زدہ ملک میں تین سے چار مرتبہ ڈیوٹی کر نے والے فوجیوں کی دماغی صحت انتہائی خراب ہے، اخلاقیات کم ذہنی تناؤ زیادہ ہے، نیویارک ٹائمز کی رپورٹ

نیویارک(اُردو پوائنٹ اخبار تازہ ترین۔7اپریل۔2008ء) عراق میں امریکی فوجیوں کی باربار تعیناتی سے ان کی صحت کو خطرہ لا حق ہوگیا ۔ اطلاعات کے مطابق امریکی فوجی حکام کے حوالے سے جاری کر دہ رپورٹ میں کہا گیا ہے کہ عراق میں امریکی فوجیوں کی کمی کا منصوبہ پورا نہ ہونے اور بغداد میں موجود فوجیوں کو بار بار ذمہ داریاں سنبھالنے کے احکام جاری کر نے سے جوانوں کی صحت کا مسئلہ درپیش ہے ۔

نیویارک ٹائمز کے مطابق عراق میں تیسری اور چوتھی مرتبہ تعینات کئے جانے والے فوجیوں میں ذہنی تناؤ میں اضافہ ہورہا ہے اور وہ ڈپریشن جیسی بیماری کا شکار ہورہے ہیں فوج کے سینئر اہلکار کی جانب سے پیش کئے گئے اعدادو شمار کے مطابق 2003ء میں عراق پر حملے کے بعد سے پانچ لاکھ 13ہزارامریکی فوجیوں کو تعینات کیا جا چکا ہے ان میں سے ایک لاکھ 97ہزار فوجی ایسے ہیں جنہیں عراق میں ایک سے زائد مرتبہ تعینات کیا گیا ہے اور 53ہزار فوجی تین سے چار مرتبہ عراق میں اپنی خدمات سر انجام دے چکے ہیں ۔

جنگی تجزیہ کاروں کا کہنا ہے کہ عراق میں تین سے چار مرتبہ ڈیوٹی کر نے والے فوجیوں کی دماغی صحت انتہائی خراب ہے ان میں اخلاقیات کم ذہنی تناؤ زیادہ ہے جس کی وجہ سے متعدد بیماریوں میں مبتلا ہیں عراق میں تین سے چار دفعہ تعینات رہنے والے فوجیوں میں نید کی کمی کی بھی شکایت پائی گئی ہے جبکہ عراق میں اتحاد ی فوج کے سربراہ جنرل پیٹریس فوجیوں میں ذہنی تناؤ کی اطلاع کو نظر انداز کر نے کی کوشش کررہے ہیں۔واضح رہے کہ عراق جنگ میں 2003سے اب تک 4ہزار امریکی فوجی مختلف وجوہات کے باعث موت کا شکار ہو چکے ہیں-
07/04/2008 - 13:30:23 :وقت اشاعت