دبئی میں دنیا کی نایاب سپر کاروں کی نیلامی کا اعلان

دبئی ( اُردو پوائنٹ اخبارتازہ ترین۔ 19 فروری 2024ء ) اعلیٰ ترین برانڈز کی دنیا کی نایاب ترین سپر کاریں اگلے ماہ دبئی میں نیلام کی جائیں گی، جس میں دوسری جنگ عظیم سے پہلے کی 1935ء کی بوگاٹی بھی شامل ہے۔ خلیج ٹائمز کے مطابق متحدہ عرب امارات دنیا کی اعلیٰ لگژری کاروں کی مارکیٹوں میں سے ایک ہے، 2023ء اور 2024ء میں ہزاروں کروڑ پتی افراد کی دبئی میں منتقلی کے ساتھ ہی ملک میں الٹرا لگژری کاروں کی مانگ میں اضافہ ہوگا، Bugatti Rimac کے سی ای او میٹ ریمیک نے بتایا کہ ان کے صارفین اپنے خاندانوں کو یو اے ای منتقل کر رہے ہیں کیوں کہ حفاظت اور تحفظ کی وجہ سے عیش و آرام سے لطف اندوز ہونے کے لیے یہ بہترین جگہ ہے۔

بتایا گیا ہے کہ دنیا کے سب سے بڑے کار نیلام گھر RM Sotheby's کی جانب سے 9 مارچ کو سپر کاروں کی اپنی افتتاحی دبئی نیلامی منعقد کی جائے گی، جس میں 2023 Aston Martin Valkyrie کی نمائش ہوگی جس کی تخمینہ قیمت 2.9 ملین ڈالر سے 3.3 ملین ڈالر کے درمیان ہے، Aston Martin Valkyrie کو پہلی بار دبئی میں نیلامی میں فروخت کے لیے پیش کیا جائے گا، یہ انتہائی کم استعمال شدہ ایک مالک کی ملکیت میں رہنے والی گاڑی Scintilla سلور رنگ میں پیش کی گئی ہے، اسی طرح ایرک کوکس کی 1935ء کی بگاٹی ٹائپ 57 اٹلانٹک ریکریشن بھی دبئی میں نیلام کی جائے گی، جنگ سے پہلے کی سب سے مشہور کاروں میں سے ایک ہے، جو 2.57 ملین درہم سے 3.3 ملین درہم کے درمیان فروخت ہونے کا تخمینہ ہے۔

(جاری ہے)