سپریم کورٹ کو اے پی ایس سانحہ کے اصل ذمہ داروں کے نام دے دیئے ہیں،والدین شہداء

ہمارے بچے لاوارث نہیں ہیں ہمیں کہیں اور سے انصاف نہیں ملا تو سپریم کورٹ کے دروازے پر آئے ہیں، میڈیا سے گفتگو

بدھ 20 اکتوبر 2021 22:09

اسلام آباد(اُردو پوائنٹ اخبارتازہ ترین - آن لائن۔ 20 اکتوبر2021ء) آرمی پبلک سکول کے شہداء کے والدین نے سپریم کورٹ کے باہر میڈیا سے گفتگو کرتے ہوئے کہا ہے کہ آج چیف جسٹس آف پاکستان کو ان بڑوں کے نام دئے ہیں جو اے پی ایس سانحہ پشاور کے اصل زمہ دار ہیں،چھوٹے لوگوں کو سزا ملتی ہے لیکن بڑی کرسیوں میں موجود افراد بچ جاتے ہیں،آج عدالت میں ہم نے کچھ بڑوں کے نام دئے ہیں جن میں سابق آرمی چیف، سابق وزیر داخلہ ،سابق کور کمانڈر پشاور، سابق وزیر اعلیٰ خیبرپختونخواہ کے نام ہم نے عدالت میں بتائے ہیں،سابق ڈی جی آئی ایس آئی اور اس وقت کے سیکورٹی افسران کا نام عدالت کو دیئے ہیں،جن لوگوں کے نام آج عدالت میں دیئے ہیں ان سے پہلے کھبی انکوائری نہیں کی گئی،سانحہ پشاور کے جن افسران کو سزائیں ملی وہ کسی قاتل کی سزائیں نہیں ہیں،ہمارے بچے لاوارث نہیں ہیں ہمیں کہیں اور سے انصاف نہیں ملا تو سپریم کورٹ کے دروازے پر آئے ہیں،سپریم کورٹ کورٹ ہمارے لئے انصاف کا آخری دروازہ ہے،دہشت گرد افغانستان کے راستے کیسے پہنچے اس کا زمہ دار کون ہی,اس وقت کے وزیر داخلہ چوہدری نثار کو تھیریٹ الرٹ جاری کیا تھا تو انہوں نے کیا کیا۔

(جاری ہے)

ابھی تک سانحہ پشاور کے نہ کوئی قاتل نہ کوئی زمہ دار نہ کوئی شامل سامنے لائے گئے۔۔۔توصیف