کروڑوں روپے کی اووربلنگ ہو رہی ہے، وفاقی وزیر توانائی
سے زائد ایسے لوگ ہیں، جو اس کام کے اندر ملوث ہیں، ان بوجھ پاکستان نہیں اٹھاسکتا ، بجلی چوروں کو کیفر کر دار تک پہنچائینگے ،بجلی کے شعبے میں گردشی قرضہ تقریباً 2400، 2500 ارب روپے کے قریب ہوگا، اویس لغاری کی پریس کانفرنس
جمعرات 18 اپریل 2024 17:17
(جاری ہے)
انہوں نے کہا کہ باقی 80 فیصد پر اثر ہونا، اور ان کو اپنے آپ کو بچانے کے لیے استعمال کرنا ہمارا ادارہ افورڈ نہیں کرسکتا، نہ ہی کوئی کرے گا، 20 فیصد چوری کا فائدہ اٹھانے والے لوگ، افسران، لائن مین، میٹر ریڈرز اور وہ صارفین جو چوری کر رہے ہیں، ان کا بوجھ یہ پاکستان نہیں اٹھا سکتا۔
اویس لغاری نے کہا کہ اتنے سارے لوگ عوام کا بیڑہ غرق کررہے ہیں، اب وقت آگیا ہے کہ جو لوگ چوری کر رہے ہیں، ان کو کیفر کردار تک پہنچائیں گے۔انہوںنے کہاکہ قانون ہے، اگر بجلی کی تقسیم کار کمپنیاں ایک مہینے کے اندر سیدھی ہو جائیں، اس قسم کے افسران کو انکوائری کرکے نوکریوں سے برطرف کر سکتی ہیں، ہمارے پاس کم الیکٹریکل انجینئرز نوجوان بیٹھے ہوئے ہیں، جن کو ہم شامل نہیں کرسکتے۔وفاقی وزیر توانائی نے کہا کہ یہ بھی ڈرامے ہوتے ہیں کہ ٹریننگ کے لیے 10، 10 مہینے چاہئیں، کچھ نہیں چاہیے، دو مہینے کے اندر نیا الیکٹریکل انجینئر ٹریننگ حاصل کرنے کے بعد ان چوروں کو تبدیل کرسکے گا، میں ایف آئی اے اور وزارت داخلہ کے وزیراعظم کے ساتھ حکم کے مطابق مدد کرنا شروع کیا ہے، ان کا شکریہ ادا کرتا ہوں۔انہوںنے کہاکہ ہم ان کی حوصلہ افزائی کرتے ہیں کہ آپ اور بھی ہمت کے ساتھ کام لیں، اس بات کو بھی کہوں کہ یہ جو سارا ایکشن ہو رہا ہے، اگر یہ نہ ہو تو کم اور متوسط آمدنی والے خاندان پس رہے ہیں۔اویس لغاری نے کہا کہ ہمارے غریب ذمیندار جو ٹیوب ویل لگاتے ہیں، ان کو زائد بل بھیجتے ہیں، کروڑوں روپے کی اووربلنگ ہے، بدقسمتی سے جب آج میں نے اپنی وزارت سے پوچھا کہ پاکستان میں اس وقت کتنے میٹرز خراب ہیں، انہوں نے بتایا کہ ساڑھے تین کروڑ میں سے تقریباً ایک لاکھ میٹرز خراب ہیں، جب میں نے مزید پوچھا کہ باقی ٹھیک ہیں، باقی سب میٹرز کی تصاویر آرہی ہیں، تو انہوں نے کہا کہ پتا نہیں، کتنے کی آ رہی ہیں، یہ پاور انفارمیشن ٹیکنالوجی کمپنی (پی آئی ٹی سی) سے پوچھنا پڑے گا۔انہوںنے کہاکہ ہمارے پاس اس سسٹم میں اتنے گیپس ہیں، جن کو ہمیں ہنگامی بنیادوں پر ٹھیک کرنا ہوگا، میں نے تمام ڈسکوز کے چیف ایگزیکٹو افسران کو ہدایت جاری کرچکا ہوں کہ 23 اپریل سے پہلے ہر لائن مین، ہر ایس ڈی او، ہر فیڈر پر جا کر ہمیں خود بتائے کہ سسٹم پر کتنے کنڈے لگے ہوئے ہیں، جو میرے کنٹرول میں نہیں آ رہے، اور جو میں نہیں ہٹا پارہا۔وفاقی وزیر توانائی نے کہا کہ اووربلنگ کسی صورت برداشت نہیں کی جائے گی۔اویس لغاری نے کہا کہ توانائی کے شعبے میں بہتری کے لیے اقدامات کر رہے ہیں، بجلی چوری کی روک تھام کیلئے لائحہ عمل تشکیل دے رہے ہیں۔نجکاری کے حوالے سے ایک سوال کے جواب میں اویس لغاری نے کہاکہ نجکاری کا جو معاملہ ہے، ہم لوگ اپنی تیاری جلدی کر لیں گے تاکہ جس مرضی کمپنی کو ہم نے یا کنسیشن ایگریمنٹ یا نجکاری کے ذریعے سے کرنا ہوگا، ہم انشا اللہ کروا دیں گے لیکن اس کا انحصار مارکیٹ پر ہوگا کہ کیا 10 کمپنیاں خریدنے والے یکدم ہیں انہوںنے کہاکہ 2 کی پہلے نجکاری ہو گی یا 4 کی، اس چیز کا پروا پروگرام ہم آپ کے سامنے اگلے 5 سے 6 ہفتے میں رکھنے کی پوزیشن میں ہوں گے، ہم نے کمپنیوں کو ٹھیک کرنے کا انتظار نہیں کرنا، لیکن جب تک ہمارے پاس ہیں، ان میں بہتری لانے کی کوشش کرنی ہے۔اویس لغاری نے کہا کہ اس وقت تقریباً 1900 ارب روپے وصول کرنے ہیں، بلوں کی ریکوری میں تمام ڈسٹری بیوشن کمپنیوں کا سالانہ تقریباً 200 ارب روپے کا اضافہ ہو رہا ہے، یہ جمع ہوتے ہوتے 1900 ارب روپے تک پہنچ گئے۔انہوں نے کہا کہ بڑی خوفناک بات ہے کہ آئیسکو اور پنجاب کی 4 کمپنیوں کے اندر ہم 3 ہزار ارب روپے وصول کرتے ہیں اور تقریباً 100 سے 125 ارب روپے ہمیں نہیں ملتے، باقی ڈسٹری بیوشن کمپنیوں میں ہم تقریباً 700 ارب روپے وصول کرتے ہیں اور چوری اور نان ریکوری کی مد میں تقریباً ساڑھے تین سو سے 400 ارب روپے وصول نہیں کرتے۔انہوںنے کہاکہ بجلی کے شعبے میں گردشی قرضہ تقریباً 2400، 2500 ارب روپے کے قریب ہوگا۔متعلقہ عنوان :
اسلام آباد میں شائع ہونے والی مزید خبریں
ہمارے ہاں سیاست دھندابن گئی ایک بار گدی کا چسکا پڑ گیا تو کوئی نہیں چھوڑتا
پاکستان کا پہلا سیٹلائٹ مشن چاند پر بھیجنے کی تیاریاں مکمل
چین میں پاکستانی سفیرخلیل ہاشمی سے چائنا آرمزکنٹرول اینڈ ڈس آرمامنٹ ایسوسی ایشن کے صدرکی ملاقات
شزہ فاطمہ خواجہ سے ایشیا انٹرنیٹ کولیشن کی ممبر کمپنیوں کے نمائندوں کی ملاقات ،ڈیجیٹلائزیشن، سوشل میڈیا ..
قزاخستان میں 5ویں ورلڈ نو میڈ گیمز 8 ستمبر سے شروع ہوں گی
ن لیگ سے نالاں ایم کیوایم کی پیپلزپارٹی سے قربتیں بڑھنے لگیں
وزیراعظم شہبازشریف کی ہدایت پر گندم اسکینڈل کی تحقیقات میں اہم پیشرفت
شیر افضل مروت کو چیئرمین پی اے سی نامزد کرنے پر حکومت کو تحفظات،نظر ثانی کا پیغام دیدیا
سردار تنویر الیاس کا سینٹورس مال پر دھاواکا مقدمہ درج
پیپلز پارٹی نے ہمیشہ مزدور اور محروم طبقہ کی ترجمانی کی ہے،فیصل کریم کنڈی
بلاول بھٹو زرداری کا روٹی ،کپڑا اور مکان کے ویژن پر کاربند رہنے کے عزم کا اظہار
تمام ججز متفق ہیں کہ آئندہ کوئی بھی ادارہ عدلیہ میں مداخلت نہ کرسکے
اسلام آباد سے متعلقہ
پاکستان کی تازہ ترین خبریں
-
شہید بھٹو نے لیبر پالیسی سے مزدوروں کے حقوق کو تحفظ دیا، بلاول بھٹو
-
منظم جدوجہد سے ہی عوام کوحقوق ملیں گے، حق کے لیے زبردست مزاحمت کرنا ہوگی‘حافظ نعیم الرحمن
-
وزیراعلیٰ پنجاب کا کچی آبادیوں کے مکینوں کو مالکانہ حقوق دینے کا اعلان
-
پاکستان کا پہلا سیٹلائٹ مشن چاند پر بھیجنے کی تیاریاں مکمل
-
چین میں پاکستانی سفیرخلیل ہاشمی سے چائنا آرمزکنٹرول اینڈ ڈس آرمامنٹ ایسوسی ایشن کے صدرکی ملاقات
-
شزہ فاطمہ خواجہ سے ایشیا انٹرنیٹ کولیشن کی ممبر کمپنیوں کے نمائندوں کی ملاقات ،ڈیجیٹلائزیشن، سوشل میڈیا کے ذمہ دارانہ استعمال پر تبادلہ خیال
-
لوگوں کو صحت کی سہولیات ان کی دہلیز پر دینے کا نواز شریف کا خواب پورا ہوگیا،مریم نواز
-
ویمن ٹیم کے لیے بھی غیرملکی کوچ تلاش کررہے ہیں، محسن نقوی
-
دورہ آئرلینڈ اورانگلینڈ کیلئے پاکستان کے اسکواڈ کا اعلان کل کیا جائیگا
-
عالمی یومِ مزدور پرگورنر پنجاب محمد بلیغ الرحمن کا پیغام
-
صوبائی وزیرصحت خواجہ سلمان رفیق کا یوم مئی کے موقع پرپیغام
-
ن لیگ سے نالاں ایم کیوایم کی پیپلزپارٹی سے قربتیں بڑھنے لگیں