دبئی اور شارجہ میں طوفانی بارشوں کے باعث پی آئی اے سمیت مختلف پاکستانی ایئر لائنز کا فضائی آپریشن متاثر ہوا ، ترجمان پی آئی اے

جمعرات 18 اپریل 2024 18:23

اسلام آباد (اُردو پوائنٹ اخبارتازہ ترین - اے پی پی۔ 18 اپریل2024ء) متحدہ عرب امارات کے شہر دبئی اور شارجہ میں طوفانی بارشوں کے باعث پی آئی اے سمیت مختلف پاکستانی ایئر لائنز کا فضائی آپریشن متاثر ہوا ہے، صورتحال بہتر ہوتے ہی پی آئی اے اپنا فضائی آپریشن کا فی الفور آغاز کر دے گا۔ ترجمان پی آئی اے عبداللہ حفیظ خان کی طرف سے جاری بیان کے مطابق متحدہ عرب امارات کے شہر دبئی اور شارجہ میں طوفانی بارشوں سے فضائی آپریشن شدید متاثر ہوا ۔

(جاری ہے)

ترجمان نے کہا کہ پی آئی اے سمیت پاکستانی ایئر لائنز دبئی ایئرپورٹ پر سہولیات کی بحالی کی منتظر ہیں، صورتحال بحال ہوتے ہی پی آئی اے اپنا فضائی آپریشن کا فی الفور اغاز کر دے گا۔ ترجمان نے کہا کہ منسوخ شدہ پروازوں کے مسافروں کو ترجیحی بنیادوں پر اگلی پروازوں پر ایڈجسٹ کیا جا رہا ہے، اس کے علاوہ مزید پروازوں کی منصوبہ بندی بھی کی جا رہی ہے۔ منسوخ شدہ پروازوں کے مسافروں سے التماس ہے کہ وہ اپنی پرواز کی معلومات کے لئے پی آئی اے کے کال سینٹر 786 786 111 سے رابطہ میں رہیں ۔