جیکب آبادکی بیگاری کینال اور تاجا شاخ کو شگاف زرعی اراضی اور ایک گائوں زیر آب

ہفتہ 27 جولائی 2019 17:12

جیکب آباد(اُردو پوائنٹ اخبارتازہ ترین - این این آئی۔ 27 جولائی2019ء) جیکب آبادکی بیگاری کینال اور تاجا شاخ کو شگاف زرعی اراضی اور ایک گائوں زیر آب تفصیلات کے مطابق جیکب آبادکی تحصیل گڑھی خیرو میں بیگاری کینال اور تاجا شاخ کو الگ الگ شگاف لگے جس کے باعث ایک گائوں اور ہزاروں ایکڑ زرعی اراضی زیر آب آگئی بیگاری کینال کو میرانپور پل کے قریب سو فٹ اور تاجا شاخ کو قصبہ پنل لیلوانی کے قریب شگاف لگا جو محکمہ آبپاشی کی سستی کی وجہ سے بڑھ کر 120فٹ ہوگیا دونوں نہروں میں لگنے والے شگاف کی وجہ سے ہزاروں ایکڑ زرعی اراضی زیر آب آگئی اور دھان کی کاشت کو شدید نقصان پہنچا تاجاشاخ کولگنے والے شگا ف سے پانی قصبہ پنل لیلوانی کے گھروں میں داخل ہوگیا دیہاتیوں کوکہناتھاکہ شگاف کی وجہ سے پانی گھر وں میں داخل ہوگیاہے آبپاشی عملہ شکایت کے باوجود نہیں پہنچااور ہم سامان اور مویشیوں سمیت پھنسے ہوئے ہیں انتظامیہ نے بھی کوئی اقدامات نہیں کیے اس سلسلے میں ایکسیئن آبپاشی جیکب آباد سے رابطہ کرنے کی کوشش کی گئی پر ان کانمبر اٹینڈ نہ ہوا۔