سندھ میں چوبیس گھنٹوں کے دوران کورونا وائرس کے مزید401نئے کیسز سامنے آگئے

وائرس سے مزید6مریض انتقال کرگئے ، کورونا سے اموات کی مجموعی تعداد2477ہوگئی

جمعرات 24 ستمبر 2020 21:42

کراچی (اُردو پوائنٹ اخبارتازہ ترین - آن لائن۔ 24 ستمبر2020ء) وزیراعلیٰ سندھ سید مراد علی شاہ نے کورونا وائرس کی صورتحال بیان کرتے ہوئے کہا کہ گزشتہ 24 گھنٹوں کے دوران 16093نمونوں کی جانچ کی گئی جس کے نتیجے میں مزید401 نئے کیسز سامنے آئے ہیں۔انہوں نے کہا کہ کورونا وائرس سے مزید6مریض انتقال کرگئے ہیں جس کے نتیجے میں انتقال کرنے والوں کی مجموعی تعداد2477ہوگئی ہے۔

انہوں نے کہا کہ اب تک1290777نمونوں کی جانچ کی جا چکی ہے اور 135246 کیسز سامنے آ چکے ہیں۔

(جاری ہے)

انہوں نے کہا کہ گزشتہ 24 گھنٹوں کے دوران مزید137مریض صحتیاب ہو چکے ہیں اور صحتیاب افراد کی مجموعی تعداد 129101 ہوچکی ہے۔ اس وقت3668مریض زیر علاج ہیں جن میں سے 3376 گھروں میں ،5آئسولیشن سینٹر ز میں اور287مختلف اسپتالوں میں ہیں۔135 مریضوں کی حالت تشویشناک بتائی گئی ہے اور14 مریض وینٹی لیٹرز پر ہیں۔

وزیراعلیٰ سندھ نے کہا کہ 401 نئے کیسز میں سے 244 کا تعلق کراچی سے ہے۔جن میں ضلع شرقی104، ضلع جنوبی70، ضلع وسطی32، کورنگی16، ضلع غربی4 اور ملیر میں سی18 کیسز رپورٹ ہوئے ہیں۔ اسی طرح حیدرآباد 19، بدین 8، دادو 5، ٹنڈو محمد خان 4،جامشورو4، لاڑکانہ 2، مٹیاری 2، سکھر 2، میرپور خاص 1، سانگھڑ 1، ٹنڈو الہیار 1، ٹھٹھہ 1، گھوٹکی 1، جیکب آباد میں سے 1 نئے کیسز سامنے آئے ہیں۔