کراچی،سی ٹی ڈی کی حساس اداروں کے ہمراہ عزیز آباد میں کارروائی

سانحہ بلدیہ فیکٹری کے مرکزی ملزم رحمان بھولا کے قریبی ساتھی کو گرفتار کرلیا

ہفتہ 27 فروری 2021 00:17

کراچی(اُردو پوائنٹ اخبارتازہ ترین - آن لائن۔ 26 فروری2021ء) کاؤنٹر ٹیررازم ڈیپارٹمنٹ (سی ٹی ڈی)نے حساس اداروں کے ہمراہ عزیز آباد میں کارروائی کرتے ہوئے سانحہ بلدیہ فیکٹری کے مرکزی ملزم رحمان بھولا کے قریبی ساتھی کو گرفتار کرلیاہے۔

(جاری ہے)

ذرائع کے مطابق سی ٹی ڈی نے حساس اداروں کے ہمراہ عزیز آباد میں کارروائی کی ، کارروائی کے دوران سانحہ بلدیہ فیکٹری کے مرکزی ملزم رحمان بھولا کے قریبی ساتھی کو گرفتار کرلیا،اس ضمن میں سی ٹی ڈی ذرائع نے بتایا کہ گرفتار یاسین عرف بٹک عرف ڈاڈاایم کیوایم لندن کا دہشت گرد ہے اور پولیس اہلکارسمیت ٹارگٹ کنگ کی متعددوارداتوں میں ملوث ہے،دوران تفتیش ملزم نے انکشاف کیا کہ 98ء میں رحمان بھولا کی ہدایت پر پولیس اہلکارعارف اوراکبر کی ریکی کی، میری نشاندہی پرشکیل سپناگروپ نی دونوں کوفائرنگ کرکے قتل کیا جبکہ 2008میں ساتھیوں کے ہمراہ سیاسی کارکن کوقتل کیا،ملزم نے بیان میں کہا کہ رحمان بھولا کیساتھ ملکر بلدیہ ٹاؤن میں چاندگروپ کے شاکرپٹنی ، رنچھوڑلائن میں ایک شخص اور یعقوب مادہ کے چھوٹے بھائی عباس مادہ کو قتل کیا، ملزم یاسین پہلے بھی متعدد مقدمات میں گرفتار ہوچکا ہے۔