ں*کراچی، نامعلوم ملزمان کیٹل فارم سے لاکھوں روپے مالیت کی 17 بکریاں چوری کرکے فرار

اتوار 23 جنوری 2022 21:20

کراچی(اُردو پوائنٹ اخبارتازہ ترین - آن لائن۔ 23 جنوری2022ء) سائٹ سپر ہائی وے کے علاقے میں نامعلوم ملزمان کیٹل فارم سے لاکھوں روپے مالیت کی 17 بکریاں چوری کرکے فرار ہوگئے، پولیس نے فارم مالک کی مدعیت میں مقدمہ درج کرکے ملزمان کی تلاش شروع کردی۔

(جاری ہے)

تفصیلات کے مطابق سائٹ سپر ہائی وے صنعتی ایریا تھانے کی حدود احسن آباد اللہ بخش گوٹھ میں واقع کیٹل فارم سے ہفتہ واتوار کی درمیانی شب تین نامعلوم ملزمان لاکھوں روپے مالیت کی بکریاں چوری کرکے فرار ہوگئے، فارم مالک زاہد مقصود ملک نے پولیس کو بتایا کہ ملزمان نے فارم میں لگا سی سی ٹی وی کیمرہ بھی توڑ دیا،ملزمان کی تعداد تین تھی، تینوں ملزمان فارم کے دروازے کی کنڈی کاٹ کر اندر داخل ہوئے، پولیس کے مطابق فارم مالک کا کہنا ہے کہ واردات میں 5 لاکھ روپے سے زائد مالیت کی 17 بکریاں چوری کی گئی ہیں، تاہم پولیس نے فارم مالک کی مدعیت میں واردات کا مقدمہ درج کرکے ملزمان کی تلاش شروع کردی ہے۔

متعلقہ عنوان :

کراچی شہر میں شائع ہونے والی مزید خبریں:

Your Thoughts and Comments