شاہد آفریدی 37 سالگرہ یکم مارچ کو منائیں گے

اتوار 26 فروری 2017 12:31

جہانیاں(اُردو پوائنٹ اخبارتازہ ترین - آن لائن۔ 26 فروری2017ء)قومی کرکٹ ٹیم کے سپر سٹار شاہد آفریدی کی37ویں سالگرہ یکم مارچ کو جوش و خروش سے منائی جائے گی۔

(جاری ہے)

اس سلسلے میں جہانیاں سمیت ملک بھر میں شاہد آفریدی کے مداح اور کرکٹ شائقین سالگرہ کی رنگا رنگ تقریبات کا اہتمام کریں گے جس میں کیک کاٹے جائیں گے اور ان کی شاندار کارکردگی کو خراج تحسین پیش کیا جائے گا شاہد آفریدی ورلڈٹی 20 ایشیاء کپ میں شمولیت کی وجہ سے اپنی سالگرہ بیرون ملک منائیں گے۔

شاہد آفریدی یکم مارچ 1980ء کوخیبر پختونخوا کے شہر کوہاٹ میں پیدا ہوئے ان کامکمل نام صاحبزادہ شاہد احمد خان آفریدی ہے اور وہ پختونوں کے آفریدی قبیلے سے تعلق رکھتے ہیں۔شاہد آفریدی نے آل رائونڈر کی حیثیت سے دنیائے کرکٹ میں قدم رکھاوہ اپنی جارحانہ بلے بازی کی بدولت دنیا بھرمیں مقبول ہیں وہ اب تک کرکٹ کے تین ورلڈ کپ مقابلوں میں شمولیت کی ہیٹرک کرچکے ہیں ۔