/بانی پی ٹی آٹی کو اڈیالہ جیل میں مکمل سکیورٹی فراہم کرنے کے لیے دائر درخواست واپس لینے کی بنیاد پر نمٹا دی گئی

منگل 16 اپریل 2024 20:40

eلاہور (اُردو پوائنٹ اخبارتازہ ترین - آن لائن۔ 16 اپریل2024ء) لاہور ہائیکورٹ نے بانی پی ٹی آٹی کو اڈیالہ جیل میں مکمل سکیورٹی فراہم کرنے کے لیے دائر درخواست واپس لینے کی بنیاد پر نمٹا دی۔ چیف جسٹس لاہور ہائیکورٹ جسٹس ملک شہزاد احمد خان نے پی ٹی آئی انصاف لائنز فارم پنجاب کے صدر افضال عظیم پاہٹ کی درخواست پر سماعت کی۔ درخواست گزار نے موقف اختیار کیا تھا کہ بانی پی ٹی آئی کی زندگی کو جیل میں خطرہ ہے۔

بانی پی ٹی آئی کی زندگی کو مکمل تحفظ فراہم کرنے کا حکم دیا جائے۔

(جاری ہے)

دوران سماعت درخواست گزار کے وکیل نے بتایا کہ بانی پی ٹی آئی کی سیکورٹی سے متعلق ایک درخواست بشری بی بی نے اسلام آباد ہائیکورٹ میں دائر کر رکھی ہے لہٰذا ہم وقتی طور پر لاہور ہائیکورٹ میں دائر یہ درخواست واپس لے رہے ہیں۔ چیف جسٹس لاہور ہائیکورٹ ملک شہزاد احمد خان نے ریمارکس دیئے کہ بانی پی ٹی آئی کی سکیورٹی سے متعلق آپ کے خدشات اہم ہیں۔ اللہ ہمارے ملک کی بہتری کرے، ہم دن بدن پیچھے ہی جا رہے ہیں۔ عدالت نے بانی پی ٹی آٹی کو اڈیالہ جیل میں مکمل سکیورٹی فراہم کرنے کے لیے دائر درخواست واپس لینے کی بنیاد پر نمٹا دی۔