لاہور سمیت ملک کے مختلف علاقوں میں کل بارش کا امکان ہے،محکمہ موسمیات

بدھ 22 مئی 2019 12:53

لاہور (اُردو پوائنٹ اخبارتازہ ترین - اے پی پی۔ 22 مئی2019ء) محکمہ موسمیات نے آئندہ2 سی3روزکے دوران ملک کے بالائی اور وسطی علاقوں میں آندھی اور گرج چمک کیساتھ بارش اور بعض مقامات پر ژالہ باری کی پیشگوئی کی ہے۔

(جاری ہے)

محکمہ موسمیات کے مطابق کل بروز جمعرات خیبرپختونخوا، ملتان، ڈی جی خان، بہاولپور، سرگودھا، فیصل آباد، ساہیوال، لاہور، گوجرانوالہ، راولپنڈی ڈویژن، اسلام آباد اور کشمیر میں کہیں کہیں جبکہ کوئٹہ، قلات، ژوب ڈویژن اور گلگت بلتستان میں چند مقامات پر آندھی اور گرج چمک کے ساتھ بارش کا امکان ہے، جبکہ ملک کے دیگر علاقوں میں موسم گرم اور خشک رہیگا۔

گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا۔بدھ کو ریکارڈ کئے گئے گرم ترین مقامات کے درجہ حرارت کے مطابق شہید بینظرآباد 44 ، جیکب آباد، دادو، پڈعیدن، موہنجوداڑو، حیدرآباد، چھور،سکھر، روہڑی، مٹھی اور رحیم یارخان میں43 ڈگری سینٹی گریڈ، جبکہ لاہورمیں 42 ،فیصل آباد و سرگودھا40 ،ملتان39 ، اسلام آباد اور کراچی37 ، پشاور 38اور کوئٹہ میں 28 سینٹی گریڈ درجہ حرارت ریکارڈ کیا گیا۔