آئندہ چوبیس گھنٹوں کے دوران لاہورمیں جھکڑ اور گرج چمک کے ساتھ بارش کا امکان ہے،محکمہ موسمیات

جمعرات 28 مارچ 2024 17:33

لاہور (اُردو پوائنٹ اخبارتازہ ترین - اے پی پی۔ 28 مارچ2024ء) محکمہ موسمیات نے پیش گوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر شہر وں منڈی بہائوالدین، گجرات، گو جرا نوالہ، حا فظ آباد، سیالکوٹ،نا رووال ، قصور، اوکا ڑہ، فیصل آباد، ٹوبہ ٹیک سنگھ، جھنگ، خوشاب، سر گو دھا، میانوالی،بھکر،لیہ،پاکپتن،ساہیوال،بہاولپور اور بہاولنگر میں تیز ہوائوں / گر ج چمک کے ساتھ ہلکی اور تیز با رش کا امکان ہے۔

(جاری ہے)

محکمہ موسمیات کے ترجمان کے مطابق جمعرات کے روز لاہور میں ہلکی بارش ہوئی جبکہ لیہ 05،جوہر آ باد 2،جھنگ، نورپور تھل ،سرگودھا 01 اور بھکر میں 08 ملی میٹر بارش ریکارڈ کی گئی جبکہ بیشتر علاقوں میں مطلع جزوی ابر آلود رہا۔لاہور میں کم سے کم درجہ حرارت 20 جبکہ زیادہ سے زیادہ 31 سینٹی گریڈ ریکارڈ کیا گیا،ہوا میں نمی کا تناسب 66 فی صد رہا،لا ہور میں آلودگی کی مجموعی شرح 113رہی۔اسی طرح شہر کے دیگر علاقوں فیز 8 ڈی ایچ اے 114،یو ایس قونصلیٹ 152، ذکی فا رمز156، سی ای آر پی آفس155، فیز 8 ایوی گر ین 117، فدا حسین ہائوس132 ، سید مرا تب علی 151اور پاکستان انجینئرنگ سروسز156 میں ایئر کوالٹی انڈیکس ریکارڈ کیا گیا۔