شمالی وزیرستان، فورسز اور دہشتگردوں میں فائرنگ کا تبادلہ ، 7دہشتگرد جہنم واصل

دہشت گردوں کے قبضے سے گولا بارود بھی برآمد کر لیا گیا ، ہلاک ہونے والے دہشتگرد سکیورٹی فورسز پر متعدد حملوں میں ملوث تھے

دانش احمد انصاری اتوار 26 جون 2022 22:22

شمالی وزیرستان، فورسز اور دہشتگردوں میں فائرنگ کا تبادلہ ، 7دہشتگرد جہنم واصل

وانا(اُردو پوائنٹ، اخبار تازہ ترین، 26جون 2022) شمالی وزیرستان میں سکیورٹی فورسز اور دہشتگردوں میں فائرنگ کا تبادلہ ، 7دہشتگرد جہنم واصل ۔ تفصیلات کے مطابق شمالی وزیرستان میں سکیورٹی فورسز اور دہشتگردوں کے درمیان فائرنگ کا تبادلہ ہوا، جس کے نتیجے میں 7دہشت گرد مارے گئے ہیں۔ آئی ایس پی آر کے مطابق دہشت گردوں کے قبضے سے گولا بارود بھی برآمد کر لیا گیا ہے۔

آئی ایس پی آر کے مطابق ہلاک ہونے والے دہشتگرد سکیورٹی فورسز پر متعدد حملوں میں ملوث تھے۔

(جاری ہے)

واضح رہے کہ گزشتہ روز بھیشمالی وزیرستان میں سکیورٹی فورسز کے آپریشن میں 4 دہشت گرد ہلاک ہوگئے تھے۔پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے شمالی وزیرستان کے علاقے ڈوسالی میں خفیہ اطلاع پر آپریشن کیا۔ آئی ایس پی آر کے مطابق آپریشن میں4 دہشت گرد مارےگئے، ہلاک دہشت گرد سکیورٹی فورسز کے خلاف دہشت گردکارروائیوں میں ملوث تھے۔آئی ایس پی آر کا کہنا ہےکہ دہشت گردوں کے قبضے سے اسلحہ اورگولہ بارود بھی برآمد کیا گیا۔