پی پی بلدیاتی نمائندگان عوام کو درپیش مشکلات کے حل کیلئے دن رات کوشش کررہے ہیں،حاجی یاسین آرائیں

سکھر(اُردو پوائنٹ اخبارتازہ ترین - این این آئی۔ 29 مارچ2024ء) پاکستان پیپلز پارٹی کے رہنما و جئے شاہ ٹاؤن کی یونین کمیٹی 4 کے چیئرمین و سکھر کی سماجی شخصیت حاجی محمد یاسین آرائیں نے کہا ہے کہ پی پی بلدیاتی نمائندگان عوام کو درپیش مشکلات کے حل کیلئے دن رات کوشش کررہے ہیں،بلدیہ اعلیٰ سکھر کے مئیر ارسلان اسلام شیخ کی محنتوں کا نتیجہ ہے کے سکھر شہر میں ترقیاتی کاموں کا جال بچھایا گیا اور ان کی تکمیل کیلئے ہر ممکن اقدامات کئے جارہے ہیں عوام کو ترقیاتی کاموں کے حوالے سے تکلیف سے بخوبی آگاہ ہیں انشاء اللہ شہر میں جاری ترقیاتی کام جلد مکمل ہوجائینگیان خیالات کا اظہار انہوں نے یوسی کے مختلف وارڈز میں جاری ترقیاتی کاموں،نکاسی و فراہمی آب کے کام کا جائزہ و صفائی کے حوالے سے عوامی شکایات پر مختلف علاقوں کے دورے کے موقع پرنکاسی نظام کی صفائی و دیگرترقیاتی کاموں کے دورے کے موقع پر علاقہ مکینوں سے ملاقات اور بعد ازیں زرائع ابلاغ کے نمائندگان سے خصوصی گفتگو کے دوران کیا اس موقع پر مذکورہ وارڈ کے کونسلرز و معزز علاقہ مکین بھی موجود تھے ان کا مزید کہنا تھا کہ شہریوں کو انکے جائز بنیادی و بلدیاتی حقوق فراہم کرنے کیلئے ہر ممکن کوشش کرینگے ۔