ٹنڈوالہ یار میں خسرے نے ڈیرے ڈال لئے، 4 بچے جاں بحق

سول اسپتال ٹنڈوالہیار میں ایمرجنسی نافذ کرکے وارڈ بھی قائم کردیا گیا ہے،ڈی ایچ او

ہفتہ 27 اپریل 2024 18:00

ٹنڈو الہ یار (اُردو پوائنٹ اخبارتازہ ترین - این این آئی۔ 27 اپریل2024ء)ٹنڈوالہ یار میں خسرے نے ڈیرے ڈال لئے اور 4 معصوم زندگیاں نگل گیا جبکہ 3 کی حالت تشویشناک ہے جنہیں اسپتال منتقل کردیا گیا۔تفصیلات کے مطابق ٹنڈوالہیار کے نواحی گائوں چندرو میئیو راجپوت میں خسرے کی بیماری چار زندگیاں نگل گئی ، مزید تین بچے بھی متاثر تشویشناک حالت میں سول اسپتال منتقل، جان بحق ہونیوالوں میں تین سگے بہن بھائی بھی شامل ہیں۔

(جاری ہے)

جاںبحق ہونیوالوں میں 5 سالہ اقرا، 3 سالہ عاشق، اور آصف شامل ہیں جبکہ متاثر ہونیوالوں میں 5 سالہ عادل، 3 سالہ سالہ عاطف اور 6 سالہ اشفاق شامل ہیں جنہیں تشویشناک حالت میں سول اسپتال حیدرآباد منتقل کردیا گیا۔واقعے کے بعد محکمہ صحت کے ڈی ایچ او کہنا ہے کہ مذکورہ متاثرہ علاقے میں ٹیمیں تشکیل دیکر روانہ کردی گئی ہیں اور سول اسپتال ٹنڈوالہیار میں ایمرجنسی نافذ کرکے وارڈ بھی قائم کردیا گیا ہے۔جبکہ متاثرہ علاقے میں ایک وارڈ قائم کردیا گیا ہے جہاں 9 سالہ تک کے بچوں کو خسرے کی ویکسین لگائی جائیں گے جو تین روز تک جاری رہے گی۔