یاسر شاہ نے سپنر انیل کمبلے کابہترین باولنگ کا ریکارڈ توڑ دیا

جمیکا (اُردو پوائنٹ اخبارتازہ ترین - آئی این پی۔ 26 اپریل2017ء) قومی ٹیم کے لیگ سپنر یاسر شا ہ نے سبائنا پارک جمیکا پر 87برس کے دوران کھیلے گئے میچز میں کسی بھی سپنر کی جانب سے اننگز میں بہترین باولنگ کا کارنامہ سرانجام دے دیا ۔

(جاری ہے)

یاسر شاہ نے ویسٹ انڈیز کے خلاف جمیکا ٹیسٹ کی دوسری اننگز میں 63رنز دے کر 6شکار کیے جس کے ساتھ ہی انہوں نے 11سال قبل سابق بھارتی لیگ سپنر انیل کمبلے کی جانب سے بنا یا گیا بہترین باولنگ کا ریکارڈ توڑ دیا۔انیل کمبلے نے 2006میں ویسٹ انڈیز کے خلاف جمیکا میں ہی کھیلے گئے مقابلے میں 78رنز دے کر 6شکار کیے تھے۔