عماد وسیم نے اے بی ڈویلیئرز کو شرمناک ریکارڈ کا مالک بنا دیا

ایجبسٹن(اُردو پوائنٹ اخبارتازہ ترین - آن لائن۔ 07 جون2017ء) چیمپیئنز ٹرافی میں پاکستان اور جنوبی افریقہ کی ٹیمیں اہم میچ میں مدمقابل ہیں اور اس میچ میں ایک ایسا واقعہ ہو گیا جو آج تک نہیں ہوا۔ایجبسٹن میں کھیلے جا رہے میچ میں پاکستانی اسپنر نے عمدہ باؤلنگ کرتے ہوئے جنوبی افریقی اوپنرز کو جلد رخصت کر دیا جس کے بعد جنوبی افریقی کپتان اے بی ڈی ویلیئرز کی میدان میں آمدہوئی۔

(جاری ہے)

تاہم عماد وسیم کی باؤلنگ کا سامنا کرنے والے ڈی ویلیئرز پہلی ہی گیند پر محمد حفیظ کو کیچ دے کر پویلین لوٹ کر گولڈن ڈک کا شکار ہو گئے۔یہ ڈی ویلیئرز کے ون ڈے کیریئر میں پہلا موقع تھا کہ وہ گولڈنگ ڈک کا شکار ہوئے ہوں اور اس سے قبل کبھی بھی پلی ہی گیند پر صفر پر آئوٹ نہیں ہوئے۔221 ون ڈے میچوں کی 212 اننگز میں نو ہزار 303 رنز بنانے والے ڈی ویلیئرز مجموعی طور پر اپنے کیریئر میں سات مرتبہ صفر پر آئوٹ ہوئے ہیں۔۔