رشی کپور کی بھارتی کھلاڑیوں کے داڑھی رکھنے پر شدید تنقید

نئی دہلی(اردو پوائنٹ تازہ ترین اخبار۔17اپریل2019ء) دو روز قبل ورلڈ کپ 2019ءکے لیے بھارتی سکواڈ کے اعلان کے بعد معروف اداکار رشی کپور نے کوہلی الیون کے بیشتر کھلاڑیوں کو داڑھی رکھنے پر شدید تنقید کا نشانہ بنایا ہے ۔ فلم”چاندنی‘ ‘ سے شہرت پانے والے 66سالہ رشی کپور نے سوشل میڈیا ویب سائٹ ٹویٹرکار خ کرتے ہوئے بھارتی سکواڈ کی تصویر شیئر کرتے ہوئے سوال اٹھایا کہ بیشتر کھلاڑیوں نے داڑھی کیوں رکھی ہوئی ہے؟۔

(جاری ہے)

انہوں نے اپنے پیغام میں لکھا کہ”اس تصویر کو ریفرنس پوائنٹ کے طور پر نہ لیا جائے لیکن ہمارے بیشتر کھلاڑیوں نے داڑھی کیوں رکھی ہوئی ہے؟کیا یہ ’سیمسن ‘ ہیں؟(اس کی طاقت بالوں میں تھی)، وہ اس کے بغیر بھی سمارٹ اور دلکش لگتے ہیں،یہ صرف ایک آبزرویشن ہے“۔یاد رہے کہ بھارتی کرکٹ بورڈ نے پیر کے روز ورلڈ کپ2019ءکے لیے 15رکنی سکوا ڈ کا اعلان کیا ہے جس میں تجربے کو فوقیت دی گئی ہے ،آئی سی سی ورلڈ کپ 30مئی سے14جولائی تک انگلینڈمیں کھیلا جائے گا جس میں تمام ٹیمیں پہلے راﺅنڈ میں مخالف ٹیم کے مد مقابل ہوں گی ۔