شاداب خان کی ورلڈ کپ کیلئے دستیابی پر مکی آرتھر مسرور
نوجوان لیگ سپنر کو پاکستانی ٹیم میں خوش آمدید کہنے کیلئے بیتاب ہوں:قومی ہیڈ کوچ
ذیشان مہتاب بدھ 15 مئی 2019 14:24
لاہور(اردو پوائنٹ تازہ ترین اخبار۔15مئی 2019ء) قومی کرکٹ ٹیم کے ہیڈ کوچ مکی آرتھر مکمل فٹ لیگ سپنر شاداب خان کی ورلڈ کپ کیلئے دستیابی کی خبر سن کر پھولے نہیں سما رہے ہیں اور ان کا کہنا ہے کہ وہ نوجوان کرکٹر کو ٹیم میں خوش آمدید کہنے کیلئے بیتاب ہیں۔ مکی آرتھر کا کہنا تھا کہ شاداب خان موجودہ دور کا بہترین سپنر اور ٹیم کا اہم رکن ہے جس کی پاکستانی ٹیم میں شمولیت اور ڈریسنگ روم میں موجودگی سے تمام کھلاڑیوں کے حوصلے بلند رہتے ہیں اور کھلاڑیوں میں اچھی کارکردگی دکھانے کی تحریک پیدا ہو جاتی ہے جس سے نتائج پر مثبت اثرات مرتب ہوتے ہیں۔مکی آرتھر کا کہنا تھا کہ شاداب خان کے آنے سے نوجوان اور باصلاحیت سکواڈ میں مزید توازن پیدا ہو جائے گا اگرچہ انہیں اس بات کا بھی بخوبی علم ہے کہ شاداب خان کو اپنی سو فیصد اور بہترین روایتی کارکردگی کا مظاہرہ کرنے کیلئے ابھی کچھ وقت درکار ہو گا کیونکہ وہ گزشتہ چند ہفتوں سے کرکٹ نہیں کھیلے ہیں لیکن ورلڈ کپ میں چونکہ پاکستان کا پہلا میچ 31 مئی کو ہے لہٰذا دو ہفتے کے دوران وہ مکمل فارم اور فٹنس کے حصول میں کامیاب ہو جائیں گے۔
قومی کرکٹ ٹیم کے ہیڈ کو چ کا کہنا تھا کہ شاداب خان ایک بہادر کھلاڑی ہیں جنہوں نے ایک مرتبہ پھر فٹنس بحال کر کے اس بات کا ثبوت فراہم کردیا ہے اور اب امید ہے کہ وہ میگا ایونٹ کے ابتدائی مقابلے سے قبل مکمل طور پر فٹ ہو کر سلیکشن کیلئے دستیاب ہوں گے اور ان کی عمدہ کارکردگی پاکستانی ٹیم کی کامیابی میں معاون ثابت ہو گی۔
(جاری ہے)
وقت اشاعت : 15/05/2019 - 14:24:33
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
انٹرنیشنل کراٹے چمپئن شاہ زیب رند کی ڈپٹی سپیکر بلوچستان اسمبلی سے ملاقات
-
پہلا ویمنز ٹی ٹوئنٹی انٹرنیشنل، ویسٹ انڈیز نے پاکستان کو ایک رن سے ہرادیا
-
ہلال احمرپاکستان کی خدمات اور جذبہ خیر سگالی قابل ستائش ہے،مراکشی سفیر
-
وزیراعلیٰ پنجاب پنک گیمز کے کامیاب انعقاد کیلئی9 انتظامی کمیٹیاں تشکیل
-
ڈی جی سپورٹس پرویز اقبال کی زیر صدارت پہلی وزیراعلیٰ پنجاب پنک گیمز 2024کے حوالے سے اہم اجلاس
-
آئی پی ایل، پنجاب کنگز کی کولکتہ نائٹ رائیڈرز کے خلاف تاریخی فتح، 262 رنز کا بڑا ہدف 2 وکٹوں کے نقصان پر حاصل کرلیا