اے سی سی ایمرجنگ ٹیمز ایشیا کپ: محمد حسنین کی تباہ کن باوٴلنگ کی بدولت پاکستان نے سری لنکا کو 90رنز سے شکست دے دی

فاسٹ باوٴلر محمد حسنین کے 6 شکار، عماد بٹ کی ذمہ دارانہ بیٹنگ

پیر 18 نومبر 2019 14:25

اے سی سی ایمرجنگ ٹیمز ایشیا کپ: محمد حسنین کی تباہ کن باوٴلنگ کی بدولت پاکستان نے سری لنکا کو 90رنز سے شکست دے دی

لاہور (اُردو پوائنٹ اخبارتازہ ترین۔ 18 نومبر2019ء) بنگلہ دیش میں جاری اے سی سی ایمرجنگ ٹیمز ایشیا کپ میں پاکستان نے سری لنکا کو90رنزسے شکست دے کر ایونٹ میں مسلسل دوسری کامیابی حاصل کرلی ہے۔ پہلے بیٹنگ کرتے ہوئے پاکستان کی پوری ٹیم 183 رنزبناکر آوٴٹ ہوگئی۔ آلراوٴنڈر عماد بٹ 44 رنز بناکر ٹاپ اسکورر رہے۔ ہدف کے تعاقب میں سری لنکا کی پوری ٹیم 93 رنز پر ڈھیر ہوگئی۔

محمد حسنین نے تباہ کن باوٴلنگ کا مظاہرہ کرتے ہوئے محض 19 رنز کے عوض 6 کھلاڑیوں کو پویلین کی راہ دکھائی۔

ایشین کرکٹ کونسل کی جانب سے جاری کردہ تفصیلات کے مطابق کاکس بازار بنگلہ دیش میں کھیلے گئے میچ میں سری لنکا نے ٹاس جیت کر پہلے فیلڈنگ کا فیصلہ کیا۔ بیٹنگ کے لیے مشکل کنڈیشنز کے باعث قومی ایمرجنگ ٹیم کے کپتان سعود شکیل سمیت ابتدائی 3 کھلاڑی محض 31 اسکور پر آوٴٹ ہوکر پویلین واپس لوٹ گئے۔

(جاری ہے)

روحیل نذیر اور سیف بدر کے درمیان چوتھی وکٹ کے لیے 49 رنز کی شراکت قائم ہوئی۔ روحیل نذیر 37 اور سیف بدر 16 رنز بناکر آوٴٹ ہوئے، جس کے بعد عماد بٹ اورخوشدل شاہ نے قدرے تیز کھیل کا مظاہرہ کیا۔ عماد بٹ نے 3 چوکوں اور 3 چھکوں کی بدولت 44رنز کی اننگز کھیلی۔ خوشدل شاہ کی 32 رنز پر مشتمل اننگز میں 2 چوکے اور 2 چھکے شامل تھے۔ قومی ایمرجنگ ٹیم 49.5 اوورز میں 183 رنز بناکر آوٴٹ ہوگئی۔

سری لنکا کی جانب سے فرنینڈو نے 3وکٹیں حاصل کیں۔
184 رنز کے تعاقب میں سری لنکا کی بیٹنگ لائن اپ محمد حسنین کی تیز رفتار باوٴلنگ کے سامنے ریت کی دیوار ثابت ہوئی۔ محمد حسنین نے حریف ٹیم کے اوپنر بھنوکا کو 15 کے مجموعی اسکور پر آوٴٹ کرکے میچ میں پہلی وکٹ حاصل کی۔ دوسری وکٹ کے لیے نیسانکا اور ہسیتا نے پاکستان ایمرجنگ ٹیم کے باوٴلرز کے سامنے کچھ مزاحمت کی تاہم وہ بھی 45 رنز کی شراکت کے بعد پویلین واپس لوٹ گئے۔

نیسانکا نے 34 اور ہسیتا نے 22 رنز بنائے۔ دونوں کھلاڑیوں کے آوٴٹ ہوتے ہی فاسٹ باوٴلر محمد حسنین نے شاندار باوٴلنگ کا مظاہرہ کیا اور31ویں اوور میں محض93 رنز پر حریف ٹیم کی بساط لپیٹ دی۔ محمد حسنین نے 19 رنز کے عوض 6 وکٹیں حاصل کیں۔ عمر خان اور خوشدل شاہ نے 2،2 وکٹیں حاصل کیں۔
میچ میں عمدہ باوٴلنگ کا مظاہرہ کرنے پر فاسٹ باوٴلر محمد حسنین کو مین آف دی میچ کا ایوارڈ دیا گیا۔
قومی ایمرجنگ ٹیم ایونٹ میں اپنا تیسرا میچ 18نومبر کو اومان کے خلاف کھیلے گی۔

وقت اشاعت : 18/11/2019 - 14:25:00

Facebook Twitter Reddit Pinterest Whatsapp

مزید متعلقہ خبریں پڑھئیے‎ :

Giving Saim Ayub as T20 opener was the solution to the problem in my view: Mohammad Hafeez
Hafeez feels justified in changing ..

صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ

سابق کرکٹر محمد حفیظ پاکستان ٹی ٹونٹی ٹیم کی اوپننگ جوڑی کو تبدیل کرنے کے اپنے فیصلے کو درست سمجھتے ہیں۔ بابر اعظم اور محمد رضوان کی ٹی ٹونٹی اوپننگ جوڑی حفیظ کے بطور ٹیم ڈائریکٹر کے دور میں ٹوٹ گئی۔ محمد حفیظ نے جیو نیوز کو انٹرویو دیتے ہوئے کہا کہ 'بابر ... مزید

Mohammad Hafeez raised questions on the appointment of foreign coaches
Am a level one qualified coach, these courses are ..

محمد حفیظ نے غیرملکی کوچز کی تقرری پر سوال اٹھا دیئے

پاکستان کے سابق ٹیسٹ کرکٹر محمد حفیظ نے قومی ٹیم کے لیے غیر ملکی کوچز کی تقرری پر سوالیہ نشان لگا دیا ہے۔ مقامی ٹی وی چینل کو دیئے گئے انٹرویو میں سابق کپتان و ٹیم ڈائریکٹر محمد حفیظ نے ٹیم مینجمنٹ کو آڑے ہاتھوں لیتے ہوئے کہا کہ جس طرح مجھے عہدے سے ہٹایا ... مزید

اہم کھلاڑی نہیں کھیلتے تو فرق پڑتا ہے، فخر زمان

پاکستان کرکٹ ٹیم کے بیٹر فخر زمان نے کہا ہے کہ اہم کھلاڑی نہیں کھیلتے تو فرق پڑتا ہے، ہم نے بہت غلطیاں کیں، اسٹارٹ اچھا نہیں تھا۔میڈیا سے گفتگو کرتے ہوئے فخر زمان نے کہا کہ ہمارا گول ورلڈ کپ ہے اس کے لیے روٹیشن پالیسی اپنائی ہے، ورلڈ کپ بھی ضروری ہے اور ... مزید

بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات

پاکستان کرکٹ بورڈ کے چیئرمین محسن نقوی کی دعوت پر بے سہارا و یتیم بچوں نے قذافی اسٹیڈیم لاہور میں پاکستان اور نیوزی لینڈ کے درمیان چوتھا ٹی ٹوئنٹی میچ دیکھا۔بچوں نے پہلی مرتبہ اسٹیڈیم میں میچ دکھانے پر شکریہ بھی ادا کیا۔140 بے سہارا اور یتیم بچوں کو چیئرمین ... مزید