علیم ڈار کی کارکردگی کا گراف تنزلی کی جانب گامزن
کبھی 100فیصد درست فیصلوں سے ٹیکنالوجی سے زیادہ مستند ثابت ہونیوالے آفیشل ٹاپ 3 کامیاب ترین امپائرز کی فہرست میں شامل نہیں
ذیشان مہتاب پیر 6 اپریل 2020 11:52
لاہور(اردو پوائنٹ تازہ ترین اخبار۔6اپریل 2020ء ) علیم ڈار کی کارکردگی کا گراف گرنے لگا اور وہ ٹاپ تھری امپائرز میں جگہ بنانے میں ناکام رہے، مائیکل گف مجموعی طور پر 82.96فیصددرست فیصلوں کے ساتھ سرفہرست ہیں۔
28ستمبر 2017ء کے بعدامپائرز کی جانب دے دیے جانیوالے ہر20فیصلوں میں سے 10کیخلاف ٹیموں نے ڈی آر ایس سے مدد لی، ان میں سے 8میں امپائرز غلط ثابت ہوئے، یوں مجموعی طور پر امپائرز کی جانب سے دیے جانیوالے ہر 20فیصلوں میں سے 12درست اور تناسب60فیصد رہا، کامیاب ترین امپائرز کی فہرست میں پاکستان کے علیم ڈار جگہ نہیں بنا سکے۔
کبھی 100فیصد درست فیصلوں سے ٹیکنالوجی سے زیادہ مستند ثابت ہونے والے آفیشل ٹاپ تھری میں شامل نہیں ہیں، ٹیسٹ میچز میں مائیکل گف کے مجموعی طور پر 82.96فیصد فیصلے درست ثابت ہوئے،ان کے41فیصلوں کیخلاف ڈی آر ایس کا سہارا لیا گیا،ان میں سے39برقرار رہے،وہ 95.1کی اوسط کیساتھ سرفہرست ہیں۔
کمار دھرما سینا کے 94فیصلے چیلنج ہوئے، ان میں سے 74میں امپائر درست قرار پائے، کامیابی کی شرح78.7فیصد ہے، این گولڈ کے 57فیصلوں کیخلاف تھرڈ امپائر سے رجوع کیا گیا،ان میں سے 44میں فیصلہ تبدیل کرنے کی ضرورت نہیں پڑی،کامیابی کی اوسط 77.2فیصد رہی۔
ناکام ترین امپائرز میں نائجل لونگ کا نام سرفہرست ہے، انکے 80فیصلوں کو چیلنج کیا گیا، 29غلط ثابت ہوئے، کامیابی کی اوسط 63.75فیصد ہے، جوئیل ولسن کے 93فیصلوں کیخلاف ریویو لیا گیا، 60درست ہوئے، کامیابی کی شرح 64.5فیصد ہے۔
کرس گیفانی کے 99فیصلوں کیخلاف تھرڈامپائر سے رجوع کیا گیا،64تبدیل نہیں ہوئے،کامیابی کی اوسط 64.6فیصد ہے۔ سب سے زیادہ 6.6ریویو فی ٹیسٹ میچ بھی نائجل لونگ کے فیصلوں کیخلاف لیے گئے، سب سے کم فیصلے 3.8فی میچ روڈ ٹکر کے چیلنج ہوئے، مائیکل گف کے فی میچ 4.1فیصلوں کیخلاف تھرڈ امپائر سے رجوع کیا گیا۔
(جاری ہے)
وقت اشاعت : 06/04/2020 - 11:52:00
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
انٹرنیشنل کراٹے چمپئن شاہ زیب رند کی ڈپٹی سپیکر بلوچستان اسمبلی سے ملاقات
-
پہلا ویمنز ٹی ٹوئنٹی انٹرنیشنل، ویسٹ انڈیز نے پاکستان کو ایک رن سے ہرادیا
-
ہلال احمرپاکستان کی خدمات اور جذبہ خیر سگالی قابل ستائش ہے،مراکشی سفیر
-
وزیراعلیٰ پنجاب پنک گیمز کے کامیاب انعقاد کیلئی9 انتظامی کمیٹیاں تشکیل
-
ڈی جی سپورٹس پرویز اقبال کی زیر صدارت پہلی وزیراعلیٰ پنجاب پنک گیمز 2024کے حوالے سے اہم اجلاس
-
آئی پی ایل، پنجاب کنگز کی کولکتہ نائٹ رائیڈرز کے خلاف تاریخی فتح، 262 رنز کا بڑا ہدف 2 وکٹوں کے نقصان پر حاصل کرلیا