ارب پتی مہندرا سنگھ دھونی جھارکنڈ ایسوسی ایشن کے 1800 روپے کے مقروض

نئی دہلی (اردو پوائنٹ تازہ ترین اخبار ۔ 10 ستمبر 2020ء ) سابق بھارتی کپتان اور ارب پتی کرکٹر مہندرا سنگھ دھونی اپنی جھارکنڈ کرکٹ ایسوسی ایشن کے 1800 روپے کے مقروض نکلے۔ مہندرا سنگھ دھونی اپنی جھارکنڈ کرکٹ ایسوسی ایشن کے 1800 روپے کے مقروض نکلے، یہ بات منظر عام پر آنے سے تنازع بھی کھڑا ہوگیا۔

(جاری ہے)

ایسوسی ایشن کی جانب سے ظاہر کیے گئے اکاؤنٹس میں مہندرا سنگھ دھونی پر 1800 روپے واجب الادا بتائے گئے، جس پر کرکٹر کے پرستاروں نے ڈرافٹ بنوایا اور جب وہ اسے ایسوسی ایشن میں جمع کرانے گئے تو اسے قبول نہیں کیا گیا، مگر ساتھ میں یہ بھی واضح نہیں کیا گیا کہ دھونی نے یہ رقم ادا کردی ہے یا نہیں، اس حوالے سے سوشل میڈیا پر بھی تبصرے کیے جارہے ہیں۔

39 سالہ مہندرا سنگھ دھونی اس وقت تقریبا 111ملین امریکی ڈالرز(81 ارب 53 کروڑ 94 لاکھ 34 ہزار بھارتی روپے) کے مالک ہیں۔