ایجبسٹن میں پاک انگلینڈ ون ڈے، ٹکٹوں کی فروخت کا 10 سالہ ریکارڈ چکنا چور

برمنگھم (اردو پوائنٹ تازہ ترین اخبار ۔ 17 دسمبر 2020ء ) ایجبسٹن کرکٹ گرائونڈ میں پاک انگلینڈ ون ڈے میچ کی ٹکٹوں نے برق رفتاری سے فروخت ہونے کا 10 سالہ ریکارڈ توڑ دیا۔ ایجبسٹن میں پاک انگلینڈ کے درمیان 13 جولائی کو ڈے اینڈ نائٹ ون ڈے میچ شیڈول ہے جس کی اب تمام ٹکٹیں فروخت ہوچکی ہیں۔ ورکشائر کے ہیڈ آف کمرشل ایلکس پیرکنس کا کہنا تھا کہ ایجبسٹن میں کسی باہمی ون ڈے سیریز میچ کی ٹکٹیں کرسمس سے بھی پہلے فروخت ہونے کی مثال گذشتہ کئی برس میں نہیں ملتی، اس لیے ہم اس مقابلے کے حوالے سے کافی پْرجوش ہیں۔

(جاری ہے)

واروکشائر کاؤنٹی کرکٹ کلب نے ایک بیان میں کہا گیا کہ ابتدائی طور پر ٹکٹیں واروکشائر کے ممبروں اور 2020ء میں ٹکٹ خریدنے والے شائقین کے لئے ترجیحی بنیادوں پر فروخت کی گئیں اور ان کی ٹکٹوں کی مالیت واپسی کی بجائے کریڈٹ کے طور پر چھوڑنے کا فیصلہ کیا گیا، ٹکٹ کے بیلٹ کے فاتحین نے کل صبح 10 بجے سے باقی ٹکٹیں بھی خرید لی تھیں۔